Ufumu wa Chiuta, Buku la Msambiri

/ 1 9 7

UFUMU WA CHIUTA

Ufumu winu Wize! Vyakubazga pa makani gha Ufumu wa Chiuta (Mwakulutirizga)

kujumpha kale lose. Ivi vikuchitika chifukwa chakuba na lwana panji mwamphu wa banthu chara kwene chifukwa cha unozgero wa Chiuta mweneko pa iye yekha muwukajiyimire wake. Chiuta wabikamo mwa ise khumbiro na mwamphu wakuwukira muchanya kuya ka pharazga na kuthandazga uthenga wake. Mwantheura ulato wa buku ili ngwakupereka uthenga wa Ufumu wa Chiuta umo wuliri mu Baibulo na ching’anamuro chake. Ufumu wa Chiuta ndiwo ndi mutu wa nkhani yose mu Baibulo, ndiwo ndi mkhuzi uwo ukukaka na kubika Pamoza Malemba ghose gha mu Baibulo. Usange tikuyowoya ntheura kuti tikung’anamura kuti Ufumu wa Chiuta kuti ukuwuskamo mitu yinyake yose mu Baibulo chara. Nanga vibe ntheura, mutu wa Ufumu wa Chiuta ndiwo ngwakuzirwa chomene nipera chomenemene kuno kulero apo banthu bakukoreska mitu yinyake iyo njambura kuzirwa chomene. Ndipo kuvumbukwa kwake kumuwiro wa sono ntchinthu chakwenelera chomene. Pose apo mubazgenge Mazgu gha Chiuta muwonenge kuti Kuwusa kwa Chiuta panji Ufumu wake, ukuwonekera pali pose apo mubazgenge. Mwachiyerezgero, labiskani ivyo ine ndili kusanga apo nkhabazganga Mazgu gha Chiuta: Masalimo 145.10-13 10 Mwe Fumu, vyose ivyo muli kulenga, viti vimuwongani imwe, ŵakupatulika ŵinu wose, ŵati ŵamurumbaninge. 11 Ŵati ŵaphare vya uchindami wa ufumu winu, na kuphara vya nkhongono zinu, 12 mwakuti milimo yinu ya nkhongono, na uchindami wakufikapo wa ufumu winu, vimanyikwe ku ŵanthu wose. 13 Ufumu winu ndi ufumu wa muyirayira, mazaza ghinu ghakukhalirira ku miwiro yose. Fumu nja kugomezgeka ku vyose iyo yikuyowoya, nja uchizi mu vyose ivyo yikuchita. Salimo ili likuphara na za Ufumu wa Chiuta, kudidimizga muwuso wa Chiuta, milimo ya mphavu, lusungu lwake, kudidimizga ukajiyimire wake pa muwuso wake, kutemwa kwake na kukhara pafupi na awo bakutindibizgikira pasi na awo bakumupenja, urunji wake na kunyoroka kwake. Ufumu wa Chiuta ndiyo ndi fundo yikuru mu Mazgu gha Chiuta, mwakuti mlembi Richard Lovelace wakyowoya kuti, “Ufumu wa Mesiya kuti ndiwo ndi mutu ukuru wekha wekha chara mu upharazgi na usambizgi wa Yesu Khristu; kwene kuti ndiwo ndi ntchindamira iyo yikukora na kubika fundo zose za mu Baibulo Pamoza.” Ndipo mlembi John Bright wakuyowoya kuti, “Fundo ya Ufumu wa Chiuta yikukhwaska, muwunenesko wake, uthenga wose wa Ufumu wa Chiuta. Usange munthu wapulikiska uthenga wa Ufumu wa Chiuta ndiko munthu wasendelera kufupi chomene na uthenga ukuru wa Chiuta uwo ndi uthenga wa