Ufumu wa Chiuta, Buku la Msambiri

1 9 8 /

UFUMU WA CHIUTA

Ufumu winu Wize! Vyakubazga pa makani gha Ufumu wa Chiuta (Mwakulutirizga)

chiponosko.” Nga ndi umo E. Stanley Jones wakuyowoyera mu vyakuremba vyake muvirimika vivkwi vikwi vyajumphapo, kuti, uthenga wa Yesu ukaba wa “ufumu wa Chiuta. Ndiwo ukaba pakatikati pa chisambizgo chake chose na vyose ivyo wakachitanga. Uthenga wa Chiuta ndiwo ndi fundo yikuru ya upharazgi na usambizgi wa Yesu. Khumbiro la Chiuta, kabiro kake, chiponosko cha Chiuta, vyose ivi vili kuvumbukwa mu uthenga wa Ufumu wa Chiuta.” Unenesko, pakuwona Ufumu wa Chiuta nga ndi ntchindamira yekha iyo yikubika Pamoza Baibulo lose chingaba chinthu chakupuruska. Ine panekha, nkhugomezga kuti unenesko uwo ukuwoneka mu Baibulo lose ndi fundo ya uvumbuzi wa kabiro na nkharo ya Chiuta (ubapo wake pera chara, uwo ukuwoneka kwizira muchilengiwa Baroma 1.20). Apa chitemwa cha Chiuta, urunji na utozi wake vili pakatikati pa uthenga wose. Ndipo wuli muwuso wa Chiuta ndicho ntchinthu chikuru chomene icho chikuyowoyeka chomene mu malemba ndipo ichi ndicho chikwenera kuwonekera chomene mu banthu awo bakumusopa Chiuta. Mwantheura Ufumu wa Chiuta ndiyo ndi nkhani yikuru iyo yikusangika mu Mazgu gha Chiuta ghose. Usange ukusangika ukaboni wake makora chara ntchifukwa chakuti Paulosi wakutemwa kuwuphara Ufumu wa Chiuta nga ntchinthu icho chili kufiskika mwa Yesu Khristu kwakuyana na khumbiro la Chiuta muwukajiyimire wake, (Baefeso 1.10) ndipo munyengo zinandi wakutebeteska chomene chara uyowoyero wa Ufumu wa Chiuta. Kwene kuyowoya kuti Paulosi wakuleka kuyowoya vya Ufumu wa Chiuta nkhwanangiska. Baibulo lili kuzura na makani gha Ufumu wa Chiuta. Tikusambira vinandi vya kukhwaska Ufumu wa Chiuta apo tikuwona Mazgu gha Chiuta ghose nga ndi mbiri ya Chiuta ya ndondomeko yake yakuwezgeramo chilengiwa icho chili kwanangika – vyose ivyo Chiuta wali kupanga, banakazi, banarume, na vyose ivyo bali navyo pakuviwezgera kumuwuso waukajiyimire wake. Dazi linyake mwana wane wa vilimika vinkhonde na ine tikendanga Pamoza ndipo tikajumphanga mukathengere ndipo tikasangika kuti tili pamaro ghakungweruka chomene. Dazi likaba kuti likwamba waka kunjira ndipo tuyuni nato tikaba kuti tukujikondwera mumakuni. Tikayowoyeskana pa makani gha Mtende, vyamunthaz, na vya Ufumu wa Chiuta. Ndipowuli tose tikamanya, nanga wuli tikaba banthu babiri bakupambana mumsinkhu withu na kapulikiskiro kithu ka vinthu pamakani gha khumbiro la Chiuta kuti kube Mtende ndipo icho wakukhumba kuchita wakuchita. Tikakoleranako kuti dazi linyake, Chiuta wizamkupereka Mtende nanga wuli tijumphe dankha mumasuzgo.