Ufumu wa Chiuta, Buku la Msambiri

2 0 0 /

UFUMU WA CHIUTA

Ufumu winu Wize! Vyakubazga pa makani gha Ufumu wa Chiuta (Mwakulutirizga)

5. Y esu wakaba chata wakuphara uthenga uweme, ndipo wakaphara chakwamba na za ufumu wa Chiuta (Mariko 1.14ff; Mateyo 4.23; 9.35; 24.14; Luka 20.1). Uthenga uweme ndi kuwusa kwa Chiuta. Ichi chingaba chinthanguni, chizgezge cha Mazgu icho chikuphara unenesko wa ufumu wa Chiuta. 6. C hisambizgo cha Yesu pa Ufumu wa Chiuta nga ndi umo tikuwonera, chikuphara na kupereka chikhomo cha kabiro ka visambizgo vyake vyose kweniso chikhomo cha visambizgo vya muchipangano chasono chose. 7. K asi ntchifukwa wuli Yesu wakasankha kutebeteska Mazgu ghakuti “Ufumu wa Chiuta” muwupharazgi wake wa uthenga uweme wa Chiuta ku charu? Pali vifukwa vibiri: a. Chikafumira mu Baibulo. Apo kayowoyero keneko kakuti “Ufumu wa Chiuta” kakupulikikwamo chara muchipangano chakare (panji kamoza pera mu buku la 1 Mdauko 28.5), fundo pera yilimo mu chipangano chakare. Chiuta nyengo zose walipose nga ndi Fumu mu Chipangano chakare, chomenemene mu mabuku gha zintchimi. Ndi nyengo zose chara apo Ufumu wake kuti ukufiskika mucharu chakwananga ichi. Ndipo chinthu chikuru chomene muchipangano chakare, icho chikuyowoyeka munthowa zinandi na mukayowoyero kanandi ndi kuwusa kwa Chiuta uko kukwiza munthazi na Ufumu wake. Chigomezgo cha chipangano chakare ntchakuti Chiuta mweneko wizenge na kupereka chiponosko kubanthu bake na cheruzgo/kuthereska na kumara barwani bake (mwachiyerezgero 1 Midauko 29.11; Masalimo 22.28; 96.10-13; 103.19; 145.11-13; Yesaya 25ff; 65ff; Daniyele 2.44; 4.3, 34; 6.26; 7.13ff, 27.) b. Chikaba chinthu chakupulikikwa na chamapokelereko ku banthu bamtundu wa Chiyuda awo bakakharanga mucharu cha Palestina awo Yesu wakapharazgangako. Kweniso fundo yakuti “Ufumu wa Chiuta” yikakura na kupulikikwa chomene mumgonezi wa chilimika cha 400 na apo Yesu wakiziranga. Mutu wa Ufumu wa Chiuta ukaphara mwa ufupi Chipangano chakare chose na chigomezgo chake! Ba Yuda bakwambilira bakakhazganga kuti Chiuta wizenge kwa nga ndi Fumu na kuwusa pakati pawo na mucharu chose, apo wabwangandurenge na kumazga miwuso yinyake yose Pamoza na barwani bake na kupereka vitumbiko vyake ku banthu bake bina Israyeli. Kaghanaghaniro aka kakaba kakupulikikwa ku ba Yuda awo, mukaghanaghaniro kanyake, bakapulikana kuti Chiuta Yahweh ndiyo ndi Chiuta ndipo ndiyo pera mweneuyo ngwaunenesko mweneuyo wakuwusa pacharu chose. Nanga