Ufumu wa Chiuta, Buku la Msambiri

2 0 2 /

UFUMU WA CHIUTA

Ufumu winu Wize! Vyakubazga pa makani gha Ufumu wa Chiuta (Mwakulutirizga)

munthowa zibiri: chakwamba, Ufumu wa Chiuta wuli kwiza kwizira mwa iye, mu utebeti na milimo yake, kachibiri, Ufumu wa Chiuta wuti wizenge mwakufiskika nkhanira apo iye wizengeso pa umaliro wa charu. 12. S ono ndipo tingamanya kupulikiska icho Yesu wakayowoyanga na “vya muchindindi vya Ufumu wa Chiuta” (Mariko 4.10ff). Kapulikiskiro ka chirndo aka pa makani gha Ufumu wa Chiuta, kakasambizganga kuti mapangano na malaghizgano gha Chipangano chakare ghangafiskika kwambura kumalizgika kufiskika. Ndiko kuti mnthondwe wa Ufumu wa Chiuta nkhufiskika kwake kwambura kumarizgika kufiskika. Ufumu wa Chiuta wuli kwiza mwa Yesu Khristu kwene ngwambura kufiskika makumarizgika. 13. M ukayowoyero kanyake, ntharika zose izo Yesu wakaperekanga zakukhwaska Ufumu wa Chiuta (“Ufumu wa Chiuta wuli nga ndi…….”) zikuphara na kupereka ungweru pa mnthondwe uwu. Kapulikiskiro aka ka Ufumu wa Chiuta kakaba kapya chomene. Ba Yuda awo bakakharanga mu chigaba cha Palestina bakakhumbikwanga kupulikiska uthenga uwu na kuwugomezga. Ichi ndicho chikaba pa mtima wa Yesu apo wakasambizganga na kupharazga. 14. M wantheura tingamanya kupulikiska chisambizgo cha Yesu pa kwiza kwa Ufumu wa Chiuta pakuba wakufiskika mwa iyo na wenewuwo uchari undize (wasono na wakunthazi). Ufumu ngwasono ndiposo ngwakunthazi. Yesu wakuphara na za kunthazi kweniso na vyasono. 15. c hizgezge ichi cha Ufumu wa Chiuta umo Yesu wakulongosolera vikutirongora pakweru ivyo wakung’anamura na vya Ufumu wa Chiuta. Nkhani yose iyi ndi ndondomeko kufumira umo charu chikalengekera na ku umuyirayira (umyirayira mu Baibulo chikung’anamura kwambura kumara). a. Muwiro wa Ufumu ndi muwiro uwo ukwiza. Tikukhara mumuwiro wa Ufumu wa Chiuta uwo wulipo na uwo ukwiza mnthazi. b. Ufumu wa Chiuta wuli na nyengo zibiri ndipo nyengo zose ziri na kwizaso kwa Yesu Khristu nga ndi Mesiya mweneuyo wati wizenge na Muwuso wa Chiuta. 16. U fumu wa Chiuta ukwiza na vitumbiko vya Chiuta. Nga mbanthu ba mu Ufumu wa Chiuta, bakukhara pakati pa Ufumu uwo wuli kwiza mwa Yesu Khristu na uwo wuti wizenge munthazi. Vinji mwavitumbiko vili kufiskika kare ndipo vinji vichali vindafiskike, vikulindizga kwizaso kwa Fumu Yesu.