Ufumu wa Chiuta, Buku la Msambiri

/ 2 3 9

UFUMU WA CHIUTA

Kukhozga banthu kuba Banangwa, Kuzara na Urunji (Mwakulutirizga)

Bakutumika bakulabiska mtundu, kabiro ka banthu panji midauko gha banthu chara pakuphara na kusambizga banthu Mazgu gha Chiuta awo mbambura kufikirika mwakuti bapande mipingo ndipo mipingo yirutirizge kufikira banthu na uthenga wa Chiuta mucharu na urato wakukuzga Ufumu wa Chiuta.

2.2 Milimo ya Chitukuko Batebeti ba Milimo ya Chitukuko bakuchemeka kuti basinthe vyakuchitika na kachitiro ka vinthu mucharu, ivyo vikukana kujilambika kukhumbiro na muwuso wa Chiuta. Ntheura tikuzomerezga kuti: Batebeti ba Milimo ya Chitukuko bakovwira banthu, Mipingo na vigaba kusanga mwabi wakusanga wanangwa, uzali, na urunji wa Ufumu wa Chiuta. 2.3 Ndondomeko ya chisanisani Bakutumika na batebeti ba Chiutukuko, wose bali Pamoza mukujipereka kwawo mukukuzga muwuso wa Ufumu wa Chiuta muvigaba vyose vya umoyo. Milimo ya Bakutumika yili kujinthika pa kuphara na kuthandazga uthenga uweme uwo ukuchemera banthu ku Ufumu wa Chiuta kwizira munthowa ya chiponosko na kubabikaso. Yikulabiska pa kuchemera banthu awo bandawupulike uthenga wa chiponosko ku banthu awo bandapulikepo uthenga uwu, mitundu ya banthu, mwakuti basangane na Chiuta. Urato ngwakutolera charu ku Mpingo wa Chiuta. Urato ukuru ngwakuti mipingo yibe yinandi yeneiyo yingandaniska basambiri ba Yesu Khristu mwakuti bamanye kuzomera kuwusa kwa Chiuta na kukhara na umoyo mwakurondezga fundo za Ufumu wa Chiuta mu umoyo wawo. Utebeti wa Kutumika ukukhwaskaso chitukuko icho chikupenjerezga kuchema lwande lose la umoyo mukuyana na Ufumu wa Chiuta mukachitiro na makhaliro. Ukuyaniska umoyo wuli wose na lurombo lwa Fumu (“Ufumu winu wize, Khumbo linu lifiskike, pano pasi nga nkhuchanya”) ndipo wuli kuyima pa kuchita milimo yalusungu, chitemwa na urunji weneuwo ukurongora kabiro ka Chiuta mundondomeko yake yakuponoska banthu wose. Yikulabiska chomene pakwiziska muwuso wa Chiuta pa banthu na mawubare ghawo ghose (ndikuti “kwiza na Mpingo wa Chiuta mucharu”).