Ufumu wa Chiuta, Buku la Msambiri

2 3 8 /

UFUMU WA CHIUTA

Kukhozga banthu kuba Banangwa, Kuzara na Urunji (Mwakulutirizga)

wa Chiuta vili kuperekeka ku Mpingo. Mpingo kuti ukufiska utebeti wake kwizira mukupayika waka vyakujulira ivi, kweni mukuvitebeteska pakujura vipata vyakunjilira mu Ufumu wa Chiuta ku banthu wose na mawupu ghawo gose . . . Paumaliro, uthenga uweme wa Ufumu wa Chiuta ukuphara na kujikonkhoska wekha pakulongosora vyakukhumbikwa vyose vya banthu, vyakuthupi na vyakuwuzimu na mukaghanaghaniro kawo. Ukukhumba kulongosora ivyo vili kwanangika mucharu na kuvilongosora mkuvibika kuba makora. Uthenga uwu ukukhwaska kubika makora na kulongosora mphambano izo zilipo pakati pa banthu…. uthenga uweme ukwenera kupereka mazgoro pa masuzgo ghabanthu, ndyale, vyachuma, kumazga ukavu na kupereka wanangwa kubanthu. (Verkuyl 1993, 72-73). Upharazgi, kujintha mipingo na chitukuko vikupangika kufumira muchisambizgo chimoza: khumbiro lakukhara mukurondezga khumbiro la Ufumu wa Chiuta lenelilo lanjira mucharu kwizira mu munthu Yesu Khristu, Fumu ya mafumu. Ufumu uwu wuli pabiri, wuli kufiskika ndipo uchali undafiskike. Pasono ukurutilira na kukura nga mchere mdende apo ukurindizga kwizaso kwa Yesu Khristu apo munthu wali yose wizamkugwada na Kusopa Chiuta. Kuzamkuba charu na kuchanya kupya. Upharazgi withu na mlimo wa chitukuko chithu ukukuzga muwuso wa Chiuta, pasono, na munyengo iyo charu chose kuti chikuzomera chara. Tikuphara uthenga uweme wa Ufumu wa Chiuta wa Mtende na urunji, kuchema banthu kukurapa na kuzgoka muchipulikano mukutonda kwake, na kukhara mwakupulikira ku marango ghake na vilayizgo vyake mumuwiro wuno.

Pakuti upharazgi na kujinthika kwa mpingo na chitukuko ndi vinthu vimoza, awo bakutorapo lwande pa vinthu ivi bakusanga kuti mlimo wawo ukukoleranako. Apo vinthu ivi vili ntheura ndipo ndi viweme waka, tikwenera kupereka kulongosora mwakuti banthu bapulikiske fundo izi makora.

2. Utebeti wa Ufumu

2.1 Bakutumika Bakutumika bakuchemeka mwakuti barongozge pakufikira banthu awo bandapulike uthenga uweme (panji awo balifikirika kwene kwambura kukwanira) kungaba kumaro ghanono kufikirako, banthu bakutindibizgikira pasi, mitundu ya banthu bakukanika. Ntheura tikuzomerezga fundo yakuti: