Ufumu wa Chiuta, Buku la Msambiri

/ 2 3 7

UFUMU WA CHIUTA

Kukhozga banthu kuba Banangwa, Kuzara na Urunji (Mwakulutirizga)

wa Chiuta mwa iyo (“ auto basileia) 3 : Ufumu ukwiza na kuvumbukwa mwa iyo. Mukupharazga kwake, Yesu wakulongosora na vya usambazi wa Ufumu wake, ( thesaurus) : kuwezgekeramo, kugowokereka kwa zakwananga, kutonda pa mizimu yiheni. Kuyima muchipulikano na mudango la Mozesi, wakulongosora makora uthenga wa…. zintchimi; wakufiska kuwezgekeramo kwa charu kwa Chiuta; wakujura nthowa ku Ufumu wa Chiuta, iyo yikukhumbikwa udumuliro wa munthu mu vyakuchitika vyake vyose. (Verkuyl 1993, 72). 1.3 Utebeti wa awo bakupenja Ufumu wa Chiuta Vyakurondezgapo vya ufumu wa Chiuta vingagabika muvigaba vya unenesko vitatu. Visambizgo vya Makani gha Chiuta ivyo vili kujinthika pa lufura lwa Ufumu wa Chiuta vikukhwaskika na uchitiro uwu: • Kupharazga mwakuti banthu bazgokere kwa Yesu kuba Fumu na mthaski. • Kujintha Mipingo mwakuti banthu balerekeremo na kukura mu umoyo wa Uzimu • Kovwira Mpingo mwakuti ukhare mukujipereka kwake pakwiziska wanangwa, uzari na urunji mu charu. Ntheura: Visambizgo vya kujinthika pa lufura lwa Ufumu wa Chiuta…. vingaleka chara kuchemera banthu kuchizgoka na kumurondezga Yesu. Kwa wali yose wa chisopo chili chose, uthenga ukwenera kupharika mwakuwerezga – werezga: “Ufumu wa Chiuta waneng’enera; Lapani ndipo mupulikane mu uthenga wa chiponosko.”. . .visambizgo ivi vikukholera pa fundo yakuchemera banthu kukumanya na kuzomera kuti Yesu ndiyo ndi Fumu na kuba na khumbiro lakukuzga Ufumu wake. Pakuwuskako kaghanaghaniro aka, upharazgi wa Ufumu wa Chiuta ngwakutondeka. Visambizgo vya makani gha Chiuta na makani gha kutumika agho ghakweghamira pa kuwusa kwa Yesu Khristu ukutondeka chara kulabiska na kuzomerezga chizgoka kuba chinthu chakuzirwa chomene mu Ufumu wa Chiuta. Mpingo wukukuzgika na Chiuta mucharu na ulato wakugaba chiponosko na kukomwa kwa Yesu Khristu…Mpingo ukupangika na vyakwamba, chiruwuko cha Ufumu wa Chiuta. Ntheura, nanga wuli ndi Mpingo pera chara, Ufumu wa Chiuta ungabako chara kwambura Mpingo kubako. Kukhazikika na kukura kwa Mpingo kuti mbumaliro pavyekha chara kweni ndi utebeti wa Chita mu Ufumu wake…Vyakujulira vya Ufumu

3 kung’anamura kuti, mweneuyo mwa iyo mweneko wakufiska Ufumu wa Chiuta ndipo ukukhara mwa iyo pera.