Ufumu wa Chiuta, Buku la Msambiri

/ 2 4 1

UFUMU WA CHIUTA

Kukhozga banthu kuba Banangwa, Kuzara na Urunji (Mwakulutirizga)

• Yikukhumbikwa kwendera pamoza mwakuti yandure mwakufikapo Kwambura ivangeli, kulije kusinthika kwa umoyo, kulije bakuphemaniskika awo bakupulikiska khumbiro la Chiuta pa banthu na vikaya vyawo, na awo bakupereka kusinthika kwizira munkhongono ya Mzimu Mtuba. Kwambura chitukuko, mipingo iyo yili kukhazikiskika na Mlimo wa kutumika yikumara ndipo kuti yikutebeta nga ndi mchere na kungweruka kwa charu chara, muvikaya vyawo. Mlimo wakutumika ukutondeka usange mipingo yikutondeka kulongora umoyo wa Ufumu wa Chiuta mucharu. Kukhwaskana kwa vyose vibiri ivi vikurongoreka mu Baefeso 2: 8 Pakuti muli kuponoskeka na uchizi wa Chiuta, mu chipulikano. Kuti muli kuponoskeka chifukwa cha milimo iyo mukuchita chara. Chiponosko chinu nchawanangwa cha Chiuta. 9 Munthu kuti wakuponoskeka na milimo yakhe chara, mzire yunji wajikuzge. 10 Chifukwa ise ndise mlimo wa Chiuta ndipo wali kutilenga mwa Khristu Yesu kuti umoyo withu uŵe wakuchita milimo yiweme. Milimo iyi ndiyo Chiuta wali kutinozgera kale kuti tiyichitenge. Vigaba ivi vingayowoyeka mwaufupi nga ndi vigaba vitatu pakati pa Ivangeli na milimo ya chikhristu muchikaya. Chakwamba, Milimo ya Chitukuko, ndi chipambi cha Ivangeli, pakuti ndi banthu awo bapharazgikira awo bakusintha vinthu. Chachibiri, Milimo ya chitukuko ndi mlato wakwizira kukugomezga mwa Chiuta pakuti yikurongora chitemwa chake. Ntheura yikujura nthowa yakukumanirana na Chiuta. Chachitatu, yikukoleranako na Ivangeli la Chiuta mwakuti yikuba nga ndi chimayi chiwuyi kose kose panji maphapindo ghabiri gha chiyuni” (Stott 1995, 52). 3.3 Kukhumbikwa kwa kutorapo lwande Mlimo wa kutuma, lero wakumana na kusazgikana kwa Mlimo uwo na Mlimo wa Chitukuko. Ivi vyachitika chifukwa chakukura kwakutorapo lwande uko kwachitika na mawupu gha gha chikhristu agho ghakuchita mlimo wakukuzga umoyo wa banthu. Mawupu agha ghakutorapo lwande pa chinthu chimoza mu Mlimo wa Chiuta. Kutorapo lwande uku kuli kwamba munyengo yakwambilira kwa Mpingo wa Khristu. J. Chongham Cho wakuyowoya kuti: