Ufumu wa Chiuta, Buku la Msambiri

2 4 2 /

UFUMU WA CHIUTA

Kukhozga banthu kuba Banangwa, Kuzara na Urunji (Mwakulutirizga)

Mu buku la Milimo chipaturo 6 . . . pa chipaturo ichi chikulongora kupatura mlimo wa upharazgi wa Ivangeli na mimo wa kovwira banthu kukuzga umoyo wawo. Pakukhumba kumazga masuzgo agho ghakabuka mumpingo, Bapostole na basopisopi bakapulikana kupatura mlimo wa upharazgi na mulimo wakovwira banthu kuthupi. Ichi ntchakwenelera pa utebeti wa mpingo. Ntchakwenelera kukana kunjizgamo chomene mlimo wa kukwezga vyakuchitika vyantheura ivi kwakuruska upharazgi, kwene tingatondekanga chara kukuzga milimo yose yibiri iyi chifukwa yose yiri mukati muntchemo (Cho 1985, 229). Nga mbamiliri ba utebeti wa kutumika, ulato withu ukuru chomene ngwakupharazga na kupanga basambiri ba Yesu na kupanda mipingo iyo yivwirenge banthu kuti bakure muchitemwa cha Chiuta. Pakuti kupharazga uthenga uweme, kwambiska mipingo, kuchita mlimo wa chitukuko ndi vinthu ivyo vikukhalirana Pamoza pa utebeti wa Chiuta, chikung’anamura kuti mawupu gha mlimo wakutumika, chomenechomene agho ghakuchita mlimo wakovwira banthu kumazga ukavu, basangikenge kuti bakuchita milimo yakukuzga umoyo wa banthu apo bakutorapo lwande pa Mlimo wakutumika uwu. Nanga wuli vili ntheura, mawupu ghakutumika agho ghakutorapo lwande pakuchita mlimo wakukuzga umoyo wa banthu, ghakwenera kuba ghakuchenjera chomene pakuchita mlimo wawo. Bakwenera kuwoneseska kuti bakubika pakati pa utebeti wawo upharazgi wa uthenga uweme pakuba ntchindamira ya mlimo wose. Kupharazga uthenga uweme na kwambiska mipingo ndivyo vikwenera kuba vyapachanya chomene na vyakwenelera kubikapo mtima chifukwa ndivyo ndi mzati wa mlimo wakutumika. 4 tikwenera kutorapo lwande pa mlimo wakukuzga umoyo wa banthu iyo yikubikapo mtima kuzengeka kwa banthu, umoyo uweme, kukura makora kwa banthu na kwambiska kwa mipingo iyo bene kaya bakwendeska. Kutorapo lwande pa chinthu chimoza kukovwira mawupu kuchita makora pakusambizga na kuwunjika vinthu Pamoza ivyo vingamanya kutebeteskeka pa mlimo wakukuzga Ivangeli. Milimo yinyake kuti yingaba yakukhwaskana chomene mwakudunjika pa mlimo wa Ivangeli chara. Muwu pa kutumika ungatemwa kukoleranako na mawupu gha kuchita mlimo wakukuzga umoyo wa banthu kwene ntchiweme kuti bakoleraneko na mawupu agho ghakukhwaskika chomene na kukuzga mlimo wakupharazga na kwambiska Mipingo. Wupu wa Mlimo wa kutumika kuya kapharazga, ukwenera kubalekera awo bali na mlimo wakuya katebeta pakukwezga umoyo wa banthu mwakuti uleke kukoreka mungoreka ya kusangika pali pose kwambura kufinyizga utebeti wake mwakuti uchite makora.

4 Labiskani pa ndondomeko A mwakuti muwone umo kukuzga mlimo wa chitukuko kunganangira mlimo wa Chiuta usange kundayendeskeke pamoza na mlimo wa kupharazga Ivangeli.