Ufumu wa Chiuta, Buku la Msambiri

/ 2 5 5

UFUMU WA CHIUTA

Kukhozga banthu kuba Banangwa, Kuzara na Urunji (Mwakulutirizga)

Urunji wukuchitika kufumira pa umanyi wakuti vyose vinthu vikufumira kwa Chiuta ndipo vikwenera kugabika ku banthu kwakuyana na wanangwa wake. Urunji uwo Baibulo likusambizga ukukhwaska kuyaniska banthu na kuwezgeramo ma wubare ghakwenelea. Ukususkana na kutindibizgira banthu pasi na kutemwera chifukwa urunji uwu wukuchiska kukhalirana Pamoza muchitemwa. Kutemwera na thinkho vikukawulira banthu kutari na chitemwa cha Chiuta ndipo kuwiziska zimphatukano pakati pa banthu. Chitukuko icho chili kujinthika pa urunji ntchakovwira chomene pakuwezgerapo mawubare agho ghanangika pakati pa banthu, mawupu gha banthu agho ghangamanya kusungilira mawurwani pakati pa banthu. Mlimo wa chitukuko uli na urato wakukuzga kachitiro kaweme ako kukakuzga mawubare ghakwenelera na ghaweme. 8.1 Chitukuko chili kujinthika mukupulikiska kuti Chiuta nga ndi mlengi na wakuwusa charu chose wakukhumba kuti chilengiwa chose chiwezgekere kwa iyo. Kulongosora Chiuta wali kupereka ku banthu wanangwa na mazaza gha ulinda wa charu. Kupulikiska uku kukuwonekera muvigaba vitatu vya ubare: ubare wa munthu na Chiuta, ubare wa munthu na munthu munyake, ubare wa munthu na chilengiwa (See Elliston 1989, Transformation , 176). Nanga wuli ma wubare agha ghakanangika chifukwa chakwiza kwa kwananga mucharu, kuwusa kwa Chiuta kukukhumba kuti mawubare agha ghawezgekeremo. Chitukuko chiliko na ulato wakuti uzali wa muwuso wa Chiuta ufikepo mwakuti wumazge thombozgo, usawuchi, kutindibizgikira pasi uko banthu bakukumana nako pachifukwa cha kwananga. Kufikapo kwa kuwusa kwa Ufumu wa Chiuta kukupereka kupulikiska na kuwezgeramo ma ubare ghose agha. Vyakurondezgapo • Chitukuko chili na ulato wakovwira banthu kuti babe na ubare wakwenelera na Chiuta. Kuwezgekeramo kwa ubare pakati pa banthu kuli kukholera pa kuwezgekeramo kwa ubare wawo na Chiuta. Nanga wuli uchizi wa chisanisani, na kabiro ka Chiuta vikupereka jando la kuwezgekeramo pakati pa banthu wose, ndi pekha pekha usange banthu biza kwa Chiuta kwizira mwa Yesu Khristu ndipo ubare wapakati pa munthu na munthu munyake ungamanya kuwezgekeramo. Mwantheura, mlimo wa chitukuko

8. Mlimo wa utebeti wa World Impact ngwakujipereka ku kuchita urunji