Ufumu wa Chiuta, Buku la Msambiri

2 5 6 /

UFUMU WA CHIUTA

Kukhozga banthu kuba Banangwa, Kuzara na Urunji (Mwakulutirizga)

ngwakunozgekera kovwira banthu mwakuti bategherezge Mazgu gha Chiuta (Ivangeli) kwizira mukuchitira ukaboni ku wunenesko wake na mu wukhaliro wa banthu awo bagomezga. • Kuweleramo kwa mawubare pakati pa banthu, mitundu, na midauko yawo Chitukuko chikwiza na kukwezga umoyo wa banthu na kovwira kuti banthu bamanye kwendera pamoza mukugabana nkhongono na mazaza mwakwenelera, pakupanga udumuliro, kugabana vyakutebetera, kutebeteska marango na kuchitirana uweme. Ntchakukhumbikwa chomene kusintha vinthu kuruska kurondezga waka vinthu umo vikabira kale. Ntchakwenelera chomene kupulika maghano ghano gha banthu ba mumadera ghose, bakavu, basambazi na ba mtundu unyake wuli wose mwakuti chitukuko chibe na mizati yakwenelera. • Chitukuko chikwenera kuba chakusamphanya vinthu panji chakupereka masuzgo kuchilengiwa chara. Languro la Chiuta kubanthu ndakuti banthu bamanye kuti Chiuta ndiyo ndi mweneko wa charu, ntheura munthu ndi mlinda mweneuyo wakwenera kuchipwelelera. Ulinda ukukhwaska kutebeteska makora chilengiwa mwakuti Chiuta wachindikikiremo, banthu basangemo wovwiri wakwenelera uwo ukwenera kufikira migonezi yose. Chitukuko chikwenera kutebeteska na kusungilira chilengiwa. 8.2 Chitukuko chikukuzga maluso na mawupu agho ghakuwunjika chuma na urato wakumazga ukavu Kulongosora Baibulo likuphaa vyakuchitika ivyo vikulogozgera banthu kuwukavu (mwachiyerezgero, ukata, kuziwurika, kuleka mlimo wako, labiskani pa Zintharika 6; Zintharika 24). Kweniso, ukavu ukupangikaso chifukwa cha kutondeka kwa banthu muchikaya, masuzgo gha chuma mucharu chose, uko kukupangiska banthu kuti batindibizgikire pasi na kukuzga usawuchi (labiskani pa Yesaya 1; Yesaya 54, Amosi 4, 5). Usange tikubazga Mazgu gha Chiuta, tikuwona kuti mu mbiri ya Baibulo, zintchimi zikasuskanga kachitiro kanji ka malonda, marango, ma kampani, na kachitiro ka chisopo ako kakakuzga kutemwera pakati pa banthu, ako kakapangiska kuti banthu bawelera nyuma. Chitukuko chikwenera kurongora khumbiro la Chiuta kuti banthu bafumemo muwukavu na mumasuzgo. Banthu