Ufumu wa Chiuta, Buku la Msambiri

/ 2 5 7

UFUMU WA CHIUTA

Kukhozga banthu kuba Banangwa, Kuzara na Urunji (Mwakulutirizga)

bakwenera kumanya kuti ukavu ukwizaso chifukwa cha mizimu yiheni iyo yikukaka banthu na kubatindibizgira pasi mukatebetero kawo (1 Yohane 5.19). Vyakurondezgapo • Nkhondo ya mu Uzimu ntchigaba cha mlimo wa chitukuko Mazgu gha Chiuta pa Baefeso 6.12 ghakutikumbuska kuti “‘Chifukwa kulimbana kwithu kuti kuli pakati pa ŵanthu ŵa thupi na ndopa chara. Kweni tikulimbana na ŵakuwusa, ŵamazaza, na ŵankhongono ŵa charu ichi cha mdima ndipo na mawumba gha mizimu yiheni iyo yili mu mlengalenga. Mlimo wa Chitukuko uwo ukutondeka kujipatulira nyengo yakuromba na mlimo yinyake ya uzimu ngwambura machitiko kukuzga umoyo wa banthu. Batebeti ba mawupu gha chitukuko ghakwenera kuba na ndondomeko ya umo bavwilirenge banthu pakurwa nkhondo ya uzimu nga ndi umo bakurwera nkhondo yakukuzga umoyo wa banthu pa kumazga masuzgo agho bakukumana nawo. Bakugwira ntchito ya chitukuko bakwenera kumanya kuti mlimo wawo wachitukuko ukumanenge na masuzgo ghanandi chomene ghakufumira kuwuzimu. Kuwunjika ndalama na vyuma kungaba kwkunjilira kwa masuzgo ghakufumira kumizimu yiheni usange bakugwira ntchito batondeka kujipa nyengo yakurwa na mizimu yiheni. Maubare pakati pa balongozgi, bakugwira ntchito na bakupokera wovwiri ghangamanya kubwanganduka chifukwa chakutondeka kuchita makora mukurwa na mizimu yiheni. Milimo na mawubare agho ghali mukati mumilimo iyi vikwenelera kuvikilirika kunkhongono za kuchisi izo zikukhumba kumazga milimo yiweme iyi. Kumazga panji kuvikilira nthimbanizgo izi vikukhumbikwa kujipereka mwakulutilira kukurwa nkhondo iyi na kovwira kuti mulimo wa chitukuko wende makora. 6 • Mlimo wa chitukuko ukwenera kususka milimo ya kutimbibizgira urunji pasi Bakugwira ntchito mu mawupu gha chitukuko bakwenera kunozgekereska banthu kuyowoya mwakususkana na kuwura urunji kuli kose uko kukuchitika mu chikaya chawo. Bakwenera kukuzga chitemwa na urunji wa Chiuta pakati pa banthu. Apo mawupu ghambura kupanga chanduro pa utebeti wawo ghakwenera kukwezga mawupu ghandale chara, ghakwenera kuchiska banthu kukuzga uchitiro wa urunji na kupanga

6 Wonani buku lakulembeka na Thomas McAlpine, Facing the Powers (McAlpine, 1991)

kuti musange umanyi usani.