Ufumu wa Chiuta, Buku la Msambiri

/ 2 6 3

UFUMU WA CHIUTA

Kukhozga banthu kuba Banangwa, Kuzara na Urunji (Mwakulutirizga)

• Ulato wa mlimo wachitukuko ukwenera kuba wakovwira waka banthu kuti basange wovwiri na kufumamo muwukavu pera chara kwene kuti bajipereke kutebeteska vyuma vyawo pakukwezga na kuthuwuska Ufumu wa Chiuta. Kovwira banthu kuti basange masambiro, kukuzga luso lawo na kutukura umoyo wawo, ndi vinthu viweme kwene vyambura chanduro usange vikureka kuchitikira mukukuzga Chiuta na kuponoska banthu mucharu. Milimo yiweme ya Chitukuko yikupereka kubanthu mwabi wakutebetera Chiuta na vinthu vyawo vyose kweniso na utebeti wawo. Bakugwira ntchito ya chitukuko bakwenera kusambizga banthu kuti utebeti wawo ndi mwabi wakumupa Chiuta chawanangwa na viwongo apo bakusintha umoyo wa banthu. (Bakolose 3.23-24). Fundo zose izo zayowoyeka muchisambizgo ichi zili na chigaba chakulembeka “kulongosora” na chigaba chakulembeka “vyakurondezgapo”. Kwene kuti chisambizgo chipulikikwe makora pakukhumbikwa fundo yimoza ya umaliro. Vyakurondezgapo vyose vikwenera kurondezgeka na fundo yakuti, “kutorapo lwande.” Kutorapo lwande uku kukwenera kunozgeka na batebeti ba chitukuko panji kuti basambizgi ba Mlimo wa chitukuko na umo bawonera vikaya ivyo bamutebetako kwakuyana na umo viliri. Pa kunozga milimo yakutorapo lwande, fundo izi zikwenelera kutoreka mwa lwana: • Utebeti wuli wose ukwenera kulabiska na kusanda mwa lwana lose “vyakurondezgapo” na kupanga udumuliro pa ivyo vikwenera kuchitika ivyo viwovwirenge pakuchita mlimo mwakutebeteska fundo izi pa mlimo wa utebeti wawo. • Fundo izi zikwenera kunozgeka mukabiro kakupereka mwabi ku banthu awo bakukhwaskika na utebeti wa chitukuko cha muchikaya chawo. • Usange mwafika pa umaliro wakunozga ndondomeko iyi, nthowa iyo mwasanga yikwenera kurembeka. • Fundo izi zikwenera kusambizgika mwakuwerezga werezga. • Kutorapo lwande uku kukwenera kusazgika mu chigaba chili chose icho chachitika mumlimo wa chitukuko mwakuti muwone usange wafiskika makora.

9. Kukhumbikira kwa kutorapo lwande