Ufumu wa Chiuta, Buku la Msambiri

2 6 2 /

UFUMU WA CHIUTA

Kukhozga banthu kuba Banangwa, Kuzara na Urunji (Mwakulutirizga)

Banthu awo nyengo yawo yikupimika kufumira muvyakuchitika vya charu, (mwachiyerezgero, zuba, mwezi, vura, chihanya), bakwenera kusambizgika kwendera ma ora kuluska vyakuchitika. Bakugwira ntchito za chitukuko bakwenera kusambizgika kwendera Pamoza na banthu awo bapokerenge chitukuko mwakuti mlimo wende makora. 8.5 Mlimo uweme wa chitukuko ukwenera kuchindika Chiuta kwizira mumlimo ya kukwezga umoyo wa banthu padera pakupanga chanduro Kulongosora Kwakuyana na umo charu chikwendera, banthu bakuwona kuti wupu ukwenda makora usange ukupanga chanduro chomene pa ivyo ukuchita. Ndipo wuli, chitukuko icho chili kujinthika pa unenesko wa Chiuta chikuba na kalabiskiro kakupambana chomene. Chitukuko chikwenera kuba na ulato wakukuzga umoyo wa banthu pa kubasambizga na kubanjirikizga umo bangachitira makora pa kukuzga umoyo wawo. Pakuti usange banthu bakukukhumba kuba na bakhristu awo mbakujipereka na kutebetera Fumu yawo mwakufikapo, bakwenera kulabiska pa vinthu ivyo vingamanya kubasintha banthu mukati na kuwaro. Kweniso mlimo withu ukwenera kukura na kujiyimira pawekha. Tikweneraso kubikapo mtima pakupanga banarume na banakazi awo mbakukhoma mu umoyo wa Uzimu, bakumanya katebetero kaweme pakati pabanthu. Kuwunjika vyuma kuti ndicho chikwenera kuba chinthu cha umaliro pachekha chara kwene ndi chinthu icho chikulongora kuchita makora uko wupu wachita muchikaya kwizira mwa Yesu Khristu. Vyakurondezgapo • Palije luso ilo lisambizgikenge na ulato wakuti banthu balipokelerenge panji kuti liperekenge chanduro kubanthu. Maluso ghose na vyakurondezgapo vyake vikwenera kulondezgana na fundo za urunji, Mtende na uzali wa banthu ivyo vikurongora kuwusa kwa Ufumu wa Chiuta mwa Yesu Khristu. Maluso na milimo iyo yikukhizgira pasi kabiro ka banthu, kusobeska urunji pakati pa banthu na kwiziska chiririzi pakati pabanthu, yikwenera kususkika na kukanizgika. Banthu bangayipokelera na kuyizomerezga chifukwa chakukhumba waka ndalama na wovwiri kwene yikwenera kususkika na kukanizgika muchikaya icho chikupokera wovwiri.