Ufumu wa Chiuta, Buku la Msambizgi

/ 1 7 1

UFUMU WA CHIUTA

Mavesi gha Ufumu wa Chiuta mu Chipangano Chasono (Mwakulutirizga)

Luka 10.9 Mukachizge ŵarwari awo ŵali mwenemumo, ndipo mukaŵaphalire kuti, ‘Ufumu wa Chiuta wiza pafupi namwe.’ Luka 10.11 ‘Fuvu nalo la mu muzi winu ilo lademerera ku malundi ghithu, tikumukung’unthirani imwe. Kweni manyani kuti, Ufumu wa Chiuta waneng’enera.’ Luka 11.2 2Iyo wakazgora wakati, “Para mukuromba mutenge, ‘Ŵadada, Zina linu lichindikike, Ufumu winu wize. 3 Mutipe chakurya icho tikukhumba zuŵa na zuŵa. 4 Mutigowokere zakwananga zithu, chifukwa ise nase tikugowokera waliyose uyo wakutinangira. Luka 11.17 Yesu wakamanya maghanoghano ghawo ndipo wakati, Ufumu uliwose uwo ukugaŵikana, ukubwanganduka, ndipo nyumba yakugaŵikana nayo, yikubwanganduka. 18Usange Satana nayoso wagaŵikana yekha, ufumu wakhe ungima uli? Pakuti imwe mukuti nkhufumya viŵanda na nkhongono za Belezebule. Luka 11.20 Kweni usange nkhufumya viŵanda na nkhongono ya Chiuta, ipo Ufumu wa Chiuta uli kwiza kwa imwe. Luka 12.31-32 31Kweni imwe penjani danga Ufumu wa Chiuta ndipo vyose vyeneivi viti vipikenge kwa imwe. 32“Mungopanga, imwe kamskambo kachoko. Pakuti Ŵawiskemwe ŵakukondwa kumupani Ufumu. Luka 13.18 Ntheura Yesu wakati, “Kasi Ufumu wa Chiuta ukulingana na vichi? Ndipo kasi tingawulinganizga na vichi? Luka 13.20 Wakayowoyaso kuti, “Kasi Ufumu wa Chiuta ndingawulinganizga na vichi? Luka 13.28 Penepapo mwamkulira na kuswa mino, para mwamkuwona Abrahamu, Yisake, na Yakhobe, na nchimi zose mu Ufumu wa Chiuta, apo imwe mwamkutayika kuwaro. 29 Ŵanthu ŵakufuma ku mafumiro gha dazi na ku manjiliro ghakhe, ku mpoto na ku mwera ŵamkukhara pa kurya mu Ufumu wa Chiuta. Luka 14.15 Yumoza wa awo ŵakakhara nayo pa chakurya wakati wapulika vyeneivi, wakati kwa Yesu, “Mbakutumbikika awo ŵamkurya mu Ufumu wa Chiuta.” Luka 16.16 “Ŵanthu ŵakapulika dango la Mozesi na mabuku gha nchimi mpaka kufikira pa nyengo ya Yohane Mubapatizi. Kufuma nyengo yeneyira Uthenga