Ufumu wa Chiuta, Buku la Msambizgi

1 7 2 /

UFUMU WA CHIUTA

Mavesi gha Ufumu wa Chiuta mu Chipangano Chasono (Mwakulutirizga)

Uweme wa Ufumu wa Chiuta ukupharazgika, ndipo yose wakujiphapatizgamo waka pakunjira mu Ufumu wa Chiuta. Luka 17.20 ŴaFarisi ŵanji ŵakamufumba Yesu na nyengo iyo Ufumu wa Chiuta wizirenge, ndipo wakazgora wakati, “Ufumu wa Chiuta kuti ukwiza na vimanyikwiro vyakuti viwoneke na maso chara. 21Panji ŵanthu ŵayowoyenge kuti, ‘Wonani, uli pano, panji wonani, uli para,’ pakuti Ufumu wa Chiuta uli mukati mwinu.” Luka 18.16-17 Kweni Yesu wakatuchemera kwa iwo wakati, “Tuzomerezgani twana twizenge kwa ine, mungatukanizganga. Pakuti Ufumu wa Chiuta ngwa twa ntheura. 17 Nadi nkhumuphalirani kuti, yose uyo wakureka kupokerera Ufumu wa Chiuta nga mwana, kuti wamkunjiramo chara.” Luka 18.24 Yesu wakati wamuwona kuti wakhuŵara wakati, “Nawo mbunonono kunjira mu Ufumu wa Chiuta ŵanthu awo ŵali na usambazi. 25Pakuti nchipusu kuti ngamila yisorote mu jiso la sindano, kuruska kuti musambazi wanjire mu Ufumu wa Chiuta.” Luka 18.29 Yesu wakaŵaphalira wakati, “Nadi nkhumuphalirani kuti, yose uyo wali kusida nyumba, panji muwoli, panji ŵabali, panji ŵapapi, panji ŵana, chifukwa cha Ufumu wa Chiuta, Luka 19.11 Apo ŵanthu ŵakapulikizganga ku vyeneivi, Yesu wakarutilira kuyowoya ndipo wakaŵatayira ntharika iyi, pakuti wakaŵa pafupi na Yerusalemu. Ŵanthu ŵakaghanaghananga kuti Ufumu wa Chiuta wamkuwoneka maluŵiro. 12Ntheura Yesu wakati, “Munthu yunji wakuzirwa, wakaruta ku charu cha kutali kuya kavwarikika ufumu na kuwereraso ku kwawo. Luka 19.15 “Ndipouli, munthu yura wakaya kavwarikika ufumu na kuwerera ku kwawo. Ntheura wakachema ŵateŵeti ŵara wakaŵapa ndarama mwakuti wamanye na chandulo icho ŵakasanga pakuchita malonda. Luka 21.10 Ntheura Yesu wakati kwa iwo, Mtundu wamkuwukira mtundu unyakhe, ndipo ufumu wamkuwukira ufumu unyakhe. 11Kwamkuŵako vindindindi vyakofya, ndiposo njara na nthenda mu malo ghakupambanapambana. Kwamkuŵako vinthu vyakofya na vimanyikwiro vikuru kufumira ku mlengalenga. Luka 21.31 Ntheura namweso, para mwamkuwona vyose vyeneivi vikuchitika, manyani kuti Ufumu wa Chiuta uli pafupi.