Ufumu wa Chiuta, Buku la Msambizgi

/ 1 7 7

UFUMU WA CHIUTA

NDONDOMEKO 16 Mavesi gha Ufumu wa Chiuta mu Chipangano Chakare

Kufuma 19.3 Penepapo Mozesi wakakwera phiri kuya kakumana na Chiuta. Ndipo Fumu yikamuchema kufuma pa phiri yikati, “Ntheura ndimo ukwenera kuyowoyera ku ŵaIsraele, mbumba ya Yakhobe: 4Imwe mwekha muli kuwona icho nkhachita ku ŵaEguputo na umo nkhamuyegherani pa mapapindo nga ndi nombo na kwiza namwe kwa ine ndamwene. 5Ntheura sono, usange mundipulikirenge ine na kusunga phangano lane, muti muŵenge ŵanthu ŵane mukati mu ŵamitundu wose. Nangauli charu chose nchane, 6ndipo kwa ine imwe muti muŵenge ufumu wa ŵasofi na fuko lakupatulika. Agha ndi mazgu agho ukwenera kuyowoya ku ŵaIsraele.” 2 Samuweli 7.12 Para mazuŵa ghako ghamara ndipo waruta kuya kagona pamoza na ŵasekuru ŵako, ine ndamkuwuska yumoza wa ŵana ŵako wakubaba iwe wekha kuti waŵe karonga ndipo ndizamkukhozga chizumbe cha ufumu wakhe kwa muyirayira. 13 Iyo ndiyo wizamkundizengera ine nyumba yakuchindikira zina lane ndipo ine ndizamkukhozga chizumbe cha ufumu wakhe kwa muyirayira. 14 Ine ndamkuŵa wiske ndipo iyo wamkuŵa mwana wane. Para wizamkunanga, ndizamkumuthyapula na muchiza na maluswazu nga ndi umo ŵapapi ŵakuthyapulira ŵana ŵawo. 15 Kweni phangano lane la chisungusungu pa iyo, kuti ndamkureka kulifiska chara nga ndi umo nkhachitira na Sauli uyo nkhamuwuskapo kuti iwe uŵe karonga mu malo mwakhe. 16 Ndipo nyumba yako na ufumu wako vizamkukhalirira kwa muyirayira panthazi pane. Chizumbe chako chiti chikhozgekenge kwa muyirayira.” 1 Midauko 14.2 Ntheura Davide wakamanya kuti Fumu yikamwimika kuŵa karonga pa Israele, na kutiso Fumu yikakwezga ufumu wakhe chifukwa cha ŵanthu ŵakhe ŵaIsraele. 1 Midauko 16.20 ŵanthu ŵakwendendeka waka kufuma ku fuko ili na kuya ku fuko linyakhe, kufuma ku ufumu uwu na kuya ku ufumu wa mtundu unyakhe, 1 Midauko 17.11-14 Para nyengo yako yakwana kuti uronde ŵasekuru ŵako ku dindi, ine ndamkuwuska yumoza wa mphapu yako pamanyuma pako, yumoza wa ŵana ŵako, ndipo wizamkukhozga chizumbe cha ufumu wako. 12 Iyo ndiyo wizamkundizengera nyumba, ndipo ndizamkukhozga ufumu wakhe kwa muyirayira. 13 Ndamkuŵa wiske, ndipo iyo wamkuŵa mwana