Ufumu wa Chiuta, Buku la Msambizgi

1 7 8 /

UFUMU WA CHIUTA

Mavesi gha Ufumu wa Chiuta mu Chipangano Chakare (Mwakulutirizga)

wane. Kuti ndamkuwuskapo chisungusungu chane pa iyo chara, nga ndi umo nkhachitira na uyo wakakudangirira. 14 Kweni chikhazi chakhe chamkuŵa mu nyumba yane na mu ufumu wane kwa muyirayira, ndipo chizumbe cha ufumu wakhe chimkwimikika kwa muyirayira.” 1 Midauko 22.10 Iyo ndiyo wamkundizengera nyumba. Iyo wamkuŵa mwana wane ndipo ine ndamkuŵa wiske. Ndamkukhozga chizumbe chakhe cha ufumu mu charu cha Israele kwa muyirayira.’” 1 Midauko 28.7 Nditi ndikhozge ufumu wakhe kwa muyirayira, usange wakuŵikapo mtima pakusunga marango ghane na pakurondezga vilayizgo vyane, nga ndi umo kuliri muhanya uno.” 1 Midauko 29.10 Ntheura Davide wakachindika Fumu panthazi pa wumba wose. Iyo wakati, “Muchindikike kwa muyirayira imwe, Mwe Fumu, Chiuta wa Israele sekuru withu. 11 Mwe Fumu, ukuru ndiwo ngwinu na nkhongono na uchindami, na kuvivya ndiposo na ufumunkhuru. Pakuti vyose vya kuchanya na vya mu charu nvyinu. Mwe Fumu, winu ndi ufumu, ndiposo ndimwe mukuwusa vyose. 12Usambazi na nchindi vikufuma kwa imwe, ndipo mukuwusa pa vyose. Mu woko linu muli mazaza na nkhongono ndipo imwe mukupereka nkhongono na mankharo mu vyose. 2 Midauko 32.15 Ntheura sono mungazomerezganga kuti Hezekiya wamupusikani nanga nkhumupuruskani nga ndi umo wakuyowoyera. Mungamugomezganga pakuti palije chiuta wa fuko lirilose panji wa ufumu uliwose uyo wakamanya kuthaska ŵanthu ŵakhe ku woko lane panji ku woko la ŵadada. Kasi sono Chiuta winu wangamanya uli kumuthaskani ku woko lane?” 2 Midauko 33.13 Ndipo wakati waromba, Fumu yikapulika kuŵeyerera kwakhe. Ntheura yikamuwezgera ku Yerusalemu na kumukhazikaso pa chizumbe cha ufumu wakhe. Penepapo Manase wakamanya kuti Fumu ndi Chiuta. Nehemiya 9.32-35 32“Ntheura sono imwe Chiuta withu, mwa ŵakuru ŵankhongono na ŵakofya mwaŵeneimwe mukusungilira phangano linu na kurongora chisungusungu chinu, mureke kuzomerezga kuti visuzgo ivyo vyatiwira ise viwoneke vichoko. Visuzgo ivyo vyawira ŵakaronga ŵithu na ŵarongozgi ŵithu, ŵasofi ŵithu, nchimi zithu, ŵasekuru ŵithu na ŵanthu wose, kufuma pa nyengo ya ŵakaronga wa ku Asiriya mpaka muhanya uno viwoneke vichoko. 33 Mu vyose ivyo vyatiwiranga ise, imwe mwanguŵa ŵarunji, mwachitanga mwakugomezgeka apo ise tachitanga viheni. 34 Ŵakaronga ŵithu, ŵarongozgi ŵithu ŵasofi ŵithu na ŵasekuru