Ufumu wa Chiuta, Buku la Msambizgi

/ 1 7 9

UFUMU WA CHIUTA

Mavesi gha Ufumu wa Chiuta mu Chipangano Chakare (Mwakulutirizga)

ŵithu kuti wakasunga marango ghinu chara nesi kupulikira malangulo ghinu na kuchenjezga kwinu uko imwe mukaŵaphalira. 35 Nanga ndi nyengo iyo ŵakaŵa pasi pa ufumu wawo, apo ŵakakondweranga na mauweme ghanandi agho mukaŵachitira ndiposo na charu chisani na cha nyata yiweme icho mukaŵapa, kuti ŵakamutemwani chara, nesi kuwerako ku milimo yawo yiheni. Masalimo 9.7-8 7Kweni Fumu yikuwusa kwa muyirayira, yakhozga chizumbe chakhe kuti yeruzgenge. 8 Iyo yikweruzga charu cha pasi mu urunji, yikweruzga ŵanthu kwambula kutemwera. Masalimo 22.27-28 27Ŵanthu ŵa ku mphererekezgo zose za charu, ŵati ŵakumbuke na kuzgokera kwa Fumu. Mbumba za mafuko ghose, zisope panthazi pinu. 28 Pakuti mazaza gha ufumu nga Fumu, ndipo iyo ndiyo yikuwusa ŵanthu ŵa mafuko ghose. Masalimo 45.6 Chizumbe chinu, Mwe Chiuta, ncha muyirayira ! Ndodo ya urunji ndi ndodo ya ufumu winu. Masalimo 47.7-8 Chifukwa Chiuta ndiyo Karonga wa charu chose cha pasi. Mwimbirani marumbo na sumu za Salimo. 8 Chiuta wakuwusa mafuko gha ŵanthu. Chiuta wakukhara pa chizumbe chakhe chakupatulika. Masalimo 103.17-1917Kweni chisungusungu cha Fumu ncha muyirayira swii, ku awo ŵakopa iyo, ndipo urunji wakhe ukukhalirira ku miwiro na miwiro, 18 kwa awo ŵakusungilira phangano lakhe, ŵeneawo ŵakukumbuka kusunga marango ghakhe. 19 Fumu yili kukhozga chizumbe chakhe kuchanya, ufumu wakhe ukuwusa pa vyose. Masalimo 105.13 ŵakwendendeka kufuma ku fuko ili kuya ku linyakhe, kufuma ku ufumu uwu kuya ku unyakhe, 14 kuti wakazomerezgapo munthu munyakhe kuŵasuzga chara, wakaŵachenya ŵakaronga pa chifukwa cha iwo, 15 wakati, “Mureke kukhwaska ŵakuphakazgika ŵane, mureke kuzichitira uheni nchimi zane.” Masalimo 145.9 Fumu njiweme ku wose, yili na chiwuravi pa vilengiwa vyakhe vyose. 10 Mwe Fumu, vyose ivyo muli kulenga, viti vimuwongani imwe, ŵakupatulika ŵinu wose, ŵati ŵamurumbaninge. 11Ŵati ŵaphare vya uchindami wa ufumu winu, na kuphara vya nkhongono zinu, 12 mwakuti milimo yinu ya nkhongono, na uchindami wakufikapo wa ufumu winu, vimanyikwe ku ŵanthu wose. 13 Ufumu winu ndi ufumu wa muyirayira,