Ufumu wa Chiuta, Buku la Msambizgi

/ 1 9 5

UFUMU WA CHIUTA

Ufumu winu Wize! Vyakubazga pa makani gha Ufumu wa Chiuta (Mwakulutirizga)

kuyilondezga Fumu yasono. Nanga wuli wakachita ntheura, vikamtonda chifukwa Fumu yira yikalutirizga kutora banthu na kwiza nawo kwake. Pachifukwa chakuti banthu bakaba bakutomboroka, mwene charu yura wakalutirizga kubasuzga awo bafumamo mumuwuso wake. Wakayezgeskanga kubatoreraso kwa iyo nanga wuli bakaba kuti bafumamo mumuwuso wake. Upusikizgi ndiwo ntchirwero cha fumu yira kwakuruska chirwero chinyake chili chose. Wakuwutebeteska chomene munyengo izo wakusanga mwabi nyengo zose. Pakuti banthu awo mbakujipereka na kufwilirapo pa chipulikano ndiwo wakopa chomene, wakurwa na banthu ba mwamphu awo bakabapo mu ufumu wake. Wakuthandazga nkhani za utesi na kupereka wofi kubanthu pa kubakwapura na kwenjerwa na nkhani zawo na umo bakakhaliranga kare pambere bandafumemo mu ufumu wake. Nanga wuli wakuchita ntheura kutonda kwake nkhuchoko chomene. Awo bali Pamoza nayo bakudemelerana nayo chomene mwakuti bakuzizwa chomene kuwona banji bakukhara mwakupambana nayo. Ndipo wuli, Fumu iyo yikajitolera kwa iyo yene banthu awob akibika na fumu yinkhungu yira, yikajika chomene pakupereka chikhwimisko na chikhazi kubanthu wose awo bakiza kwa iyo. Pali banji awo bakutebetera Fumu, awo bakuphara makora chara mapangano agho Fumu yikupereka ku banthu bake. Bakuchita ivi na ulato wakutolera banthu kwa fumu mwakuti bawukeko kufumu yakuparanya yira. Suzgo ndakuti uthenga wawo ngwambura vinthu vinandi ivyi ndi vyakukhumbikira chomene pa kabiro na ukhaliro wa banthu awo bafuma kuchigaruka. Bakupharapo chara na makani ghakurwa nkhondo na ufumu unyake wura. Bakupharazga za ufumu uwu kuba wambura masuzgo nanga ndi kurwa na murwani yura, bakuwurongora ufumu kuba wambura masuzgo panji nthangwanika yili yose. Kukuba ngati mbufumu wambura kukomwa nawo. Mwalwana lose, fumu yiheni yira yikutolerapo mwabi pakuwona kapharazgiro na kathandazgiro ka uthenga uwu. Wakubaleka kuti bapharazge na kuphara uthenga wakuperera uwu mwakuti watolerepo mwabi wakubapa ivyo bakuphara na kubajara kumaso pakureka kumanya ivyo vili mnthazi. Wakumanya kuti banthu awo bawelerenge kwa iyo ndi awo bagongoweskeka na pakureka kupokera ivyo bakuphalirika kuti bavisangenge mu ufumu wapya uwu.