Ufumu wa Chiuta, Buku la Msambizgi

1 9 6 /

UFUMU WA CHIUTA

Ufumu winu Wize! Vyakubazga pa makani gha Ufumu wa Chiuta (Mwakulutirizga)

Ufumu nga jando la Baibulo lose

Kufumuira jando la mu buku la, A Kingdom Manifesto, la kulembeka na Howard A. Snyder. Downers Grove: InterVarsity Press, 1985. pp. 11-25

Yesu wakayowoyanga vinthu mwamabuchibuchi chomene kwambura banthu kukhazga kuti wayowoyengechi, nanga ndi basambiri bake. Chakuzizwiska chomene ndi makani gha uthenga wa Ufumu wa Chiuta. Yesu wakiza kuphara na kupharazga uthenga uweme, wenewuwo ukatimbanizga banthu banandi. Kwizira mu utebeti wake mwakanyengo kachoko waka mucharu, wakarutirizga kurongora basambiri bake umo Ufumu wa Chiuta uliri. Bakapulikiska pachoko waka. Apo wakati wauka kubakufwa, Yesu wakatora masabata 6 kusambizga basambiri bake na za ufumu wa Chiuta (Milimo 1.3). Wakaphara kuti kukomwa kwake, nyifwa yake, na kuwuka kwake kubakufwa, vyose vikaba vyakunozgeka kwakuyana na Ufumu wa Chiuta ivyo vikayowoyeka kare na zintchimi za muchipangano chakare. (Luka 24.44-47). 6 Para ŵakutumika ŵakawunganaso pamoza na Yesu, ŵakamufumba ŵakati, “Fumu, kasi yeneiyi ndiyo nyengo yakuti muwezgere ufumu ku ŵaIsraele?” 7 Yesu wakati kwa iwo, “Kuti nkhwa imwe chara kumanya mazuŵa na zinyengo izo Ŵadada ŵali kwimika mu mazaza ghawo. Mukuzgora uku wakang’anamura kuti kwiza kwa Ufumu mucharu kuli mumawoko gha baDada pera. Kwene usange Mzimu Mtuba wiza pa imwe wamupeninge nkhongono kuti mukhare umoyo wa mu Ufumu wa Chiuta, mwakuti mube bakaboni ba Ufumu kufumira muno mpaka kuvyaru vyakutari (Milimo 1.7-8). Ndipo ndimo kukabira nakutiso ndimo kuliri na kuno kulero. Lero tili pafupi na kufiska uchimi wa Yesu Khristu wakuti “uthenga uwu wa chiponosko uti upharazgike mucharu chose nga mbukaboni ku vyaru vyose” (Mateyo. 24.14). Nadi ndimo kukwenera kubira kuti uthenga wa chiponosko ukwenera kupharazgika kubanthu wose mucharu! Apa kuti nkhumuyezga Chiuta chara panji kumutolera Chiuta kukuyezgeka kwakuyana na umweneko wa Ufumu wa Chiuta. Ufumu wa Chiuta wuli mumawoko ghake gha Chiuta. Mwantheura buku ili kuti nda kuphara za nyengo (Milimo 1.7) – chifukwa kuchita ntheura nkhwananga kukuru. Ulato wane ngwakuti: Baibulo lili kuzura na visambizgo vya Ufumu wa Chiuta, ndipo Mpingo watondeka kumanya makora makani agha. Kwene pakabiro ka Chiuta pasono tafika panyengo yakuti tili na mwabi wakupharazga na kuthandazga uthenga wachiponosko uwu