Ufumu wa Chiuta, Buku la Msambizgi

/ 2 5 9

UFUMU WA CHIUTA

Kukhozga banthu kuba Banangwa, Kuzara na Urunji (Mwakulutirizga)

Pachifukwa ichi, nkhwambura machitiko kuti banthu bayane pakwandura kwawo. • Kugomezgeka pa Ulinda kukwenera kulongozgera kukura kwa utebeti wa banthu Milimo yose ya utebeti ukwenera kuba na ndondomeko yakuperekera njombe kukugomezgeka kwa banthu, kukura kwa luso, na kujipereka kwa banthu. Urunji ukupenjerezga kuti kujipereka kukwenera kupereka njombe yikuru ku banthu. 8.4 Banthu awo bakugwira ntchito ya Chitukuko bakwenera kutumbika mphambano izo zilipo pa midauko ya banthu ndipo bayezgeske kubikapo visambizgo ivyo vingamanya kukwezga umoyo wa banthu awo bakubatebetera. Kurongosora Mdauko wuli wose wa banthu ndi nthowa yakubavwira banthu pakachitiro ka vinthu muchikaya chawo. Mdauko ukusambizga banthu kaghanaghaniro, katebetero, na kutorapo lwande pa ivyo vyachitika, mwakwenelera. Mdauko ukovwira banthu kutebeta pamoza pakurondezga kapulikiskiro ka vinthu mwachisanisani na mwakuyana. Wukupereka nthowa zakaghanaghaniro na kachitiro ka vinthu ako kangamanya kupizgika ku mgonezgi wakurondezgapo.” (Cornett 1991, 2). Mdauko ukuwumba kabiro kali ka banthu, kufumira ku nkharo yakuwoneka (chiyowoyero, kavwaliro, vyakurya), kaghanahaniro na kapulikiskiro (umo banthu bakughanaghanira, kapambaniskiro na kayaniskiro ka vinthu, ka manyiro ka usambazi na ukavu). Kupulikiska umo mdauko ukovwilira pa kabiro ka mlimo pakati pa banakazi na banarume, kazirwiskiro ka vinthu na umo vikugwilira ntchito ntchinthu chakuzirwa chomene ku bakugwira ntchito za chitukuko. Nanga wuli midauko ya banthu yili kukazuzgika na kwananga, kabiro na nkharo izo zikwenera kususkika na uthenga uweme, tikwenera kumanya kuti Mazgu gha Chiuta ghakurongora kuti midauko ya banthu yinyake njakuzomerezgeka na Malemba. Bapostole bakurongora kuti usane munthu wazgoka chikung’anamura kuti wa sinthe mdauko wake wose chara (Milimo 15). Ulato wa Chiuta kufumira muchipangano chakare mpaka muchipangano chasono (Mika 4) mpaka (Uvumbuzi 7.9) ndi makani ghakukhwaska banthu bakufumira mu vyaru vyose, viyowoyero vyose na mitundu yose ya banthu. Bakutumika kufumira pa Paulosi mpaka kunthazi kose bakhara bakupharazga uthenga uweme pa kuwunjizga mukati mu midauko ya banthu, pakubika unenesko wa muyirayira uwu mukabiro ako