Ufumu wa Chiuta, Buku la Msambizgi

3 1 8 /

UFUMU WA CHIUTA

Khristu, Fumu ya vyose. Lurombo ulu lukuphara za Chiuta kuba wakuwusa pavyose. Nanga wuli munthu na bangelo bali kumugarukira, wakapungulirapo ukali wake chara, kwene wakuwusa pa banthu na ulato wakufiska chiponosko chake pa charau.

Chigaba ichi chakugumanyiska chisambizgo chikukoleranako na fundo ya Baibulo yakuti Chiuta ndi Fumu ya vyose, iyo njakuzomerezgana na vinthu vyose ivyo vikuchitika pa umoyo withu, viheni na viweme wuwo mu mbiri yose ya banthu. Munthowa yinyake, ichi chikupulikikwa chomene apo tikulabiska umo vinthu viliri muvikaya vinthu. Vikaya vinandi vyanangika ndipo uheni waluska mumadera ghose. Banthu banandi bakutondeka kupulikiska fundo ya kwandana kwa uheni mucharu apo Chiuta walipo. Fumbo ndakuti kasi Chiuta walinkhu apo uheni ukwandana ntheura? (The idea of “theodicy,”). Dumbiranani na basambiri binu, fundo iyo yirongozgerenge kukusambira Chiuta kuti ndiyo ndi Fumu, ndipo ufumu wake ukususkika na Satana kweniso na banthu bara bakudankha, Adamu na Hava. Chigaba chakwamba chikulabiska pa fundo yakuti Chiuta mweneuyo wakuyowoyeka mu Baibulo (YAHWEH) ndiyo ndi Fumu kajiyimire ya charu chose. Nanga wuli na nkhongono zose na uchindami, nanga wuli wakamanyanga vyose vyakumuwukira na kumugarukira, Fumu yikamuzomerezga Satana na banthu bakudankha bara kuti bamugarukire. Icho chikwenera kubikika pakweru ntchakuti, kugaruka uko Satana na banthu bara bakudankha bakachita, kukamalizga ukajiyimire wa Chiuta chara pa charu chose, panji kumazga unozgero wake wakuwusa pa charu chose. Baibulo lilikuzura na fundo yakuti Chiuta wakuchanya ndi kajiyimire payekha, fumu ya vinthu vyose, wakuwusa kufumira kuchanya ku uchindami wake. Wali kukhazikiska chizumbe chake kuchanya ndipo ufumu wake ukuwusa pa vyose (Masalimo 103.19,). Iye ndiyo ndi Chiuta uyo wakuwusa pa maufumu gha banthu ndipo wakughapereka kwa awo wakhumba. (Daniyele. 4.17, 25, 34; 5.21; 7.14). Davide wakusachizga kuti Chiuta wa mu Baibulo wali na nkhongono, uchindami, muwuso, na uzali pa icho wali kurenga kuchanya na pasi (1 Mdauko 29.11), wenewuwo Yesu wakuphara mulurombo lwake (Mateyo. 6.13). Kwambira pa mtendeko, Mazgu gha Chiuta ghakuyowoya kuti Chiuta kajiyimire ndiyo yekha

 5 Peji 16

Kugumanya Chisambizgo

 6 Peji 17 Chigaba chakwamba mwaufupi