Ufumu wa Chiuta, Buku la Msambizgi

/ 3 1 9

UFUMU WA CHIUTA

kajiyimire, Fumu ya ma Fumu na Themba la maThemba, (1 Timoti 6.15; labiskani pa Uvumbuzi 19.16). Mukweneraso kumanya kuti apo mukunjira muchigaba chakwamba mazina gha Chiuta ghose ghakuphara na umo walliri muwukajiyimira wake pa vyose ivyo wali kulenga. Iye ndi Chiuta wakuchanya nkhanira ( elyon , Vya mu Mtendeko 14.18-20), “Chiuta wankhongono zose ( el sadday , 17.1; Kufuma 6.2), “Fumu Kajiyimire” ( adonay yhwh , Vya mu Mtendeko 15.2; Marango ghachibiri 3.24), and “Chiuta wa nkhongono zose” ( kyrios pantokrator , Uvumbuzi 1.8). Chiuta wali mu vinthu vyose ndipo wakurongoreka kuti ndi Fumu, ndipo kuti ngwakugarukirika panji kumuwukira chara. Ukajirenge wa Chiuta ngwakukhumbikira chomene kwakuyana na ukajiyimire wake. Muwuso wa Chiuta wuli kujinthika mukabiro kake, wankhongono zose, wakusangika pali pose (uzali wake), kamanyimanyi wa vyose. Kufuma 6.3 na Masalimo 104.24-30 pakabiro kake pakupereka ku chilengiwa apo iyo ngwakusobekera kanthu chara (Masalimo 50.7-12). Muwuso wa Chiuta ukuwonekera pa fundo vinthu vyose ndi vyake. Pakuba mulengi wa vinthu vyose, Chiuta wangalongora na kubika pakweru nkhongono zake nga ndi umo wangawonera. Ngwakukakika kanthu kali kose chara padera pa khumbiro lake pera ndipo vinthu vyose ndi vyake. Fundo iyi kwakuyana na utatu wake yikubika lufura lwakumpulikiskira kuti iyo ndi Chiuta na Fumu pa vyose (Masalimo 103.19). Nkhani ya Ufumu wa Chiuta yikwamba na banthu chara, panji na Satana (Lusifara). Muwuso wa Chiuta ukwamba na iye mweneko, wankhongono zose na wapachanya nkhanira, wakuchindikika na wakuthuwuskika pachanya pavyose. Chisambizgo icho chikwenera kuzomerezgeka pano ndi icho chikulongora ukuru na uchindami wa Chiuta nga ndi uyo ngwakuthuwuskika pa vyose, nga ndi uyo wakumanya kuperera kuli kose chara panji kutondeka ndipo urunji na kufiska kwake ngakujumpha vyose. Wali kukhazikiska uchindami wake pachanya vyose (Masalimo 8.1).

 7 Peji 18 Kulongosora fundo yakwamba

 8 Peji 18

Kulongosora fundo yachibiri mpaka B

 9 Peji 19 Kulongosora fundo 1 mpaka C