Ufumu wa Chiuta, Buku la Msambizgi

/ 3 3 3

UFUMU WA CHIUTA

Fundo iyi, yakuti mukwiza kwa Yesu Khristu, Ufumu wa Chiuta ukawonekera mucharu, mbuvumbuzi wakufikapo chomene pakufiska phangano la Chiuta ilo wakalaghizga kuti wawezgerenge charu na kuchiwombolera kwa iyo mweneko. Kwizira mwa Yesu Khristu tikuwona kwiza kwa mgonezi wa Mesiya, kuti ndi fundo waka chara panji chigomezgo panji khumbiro kwene kufiskika kweneko na kwakufikapo. G. E. Ladd wakudidimizga na kupanikizga fundo iyi apo wakuti: Yesu wakaphara kuti laghizgo ili (lakwiza kwa ufumu wa Chiuta) ukufiskika. Uwu kuti mbufumu wamunthazi chara kwene wakufiskika sono. Yesu kuti wakalagizga bakutegherezga bake umoyo upusu chara panji kuti banjirenge mu ufumu wake mwasonosono charra. Kwene wakayowoya mwachikanga chose kuti Ufumu wa Chiuta wafika kwizira mwa iyo (Herrschaft). Kusangika kwa Ufumu wa Chiuta chikaba chinthu icho chachitika, mlimo wa uchizi, wa Chiuta. Laghizgo likafiskikira mu mlimo wa Yesu: apo wakaluvya na kuphara pakweru kuti wizira kuphara uthenga uweme kubakavu kusutura bakukakika, na kuwezgera maso kubachiburumutira. Kayowoyero aka kuti kaka kachilendo chara kwene mlimo ndiwo ukaba wachilendo kubanthu. Bakudindibara bakupulika uthenga wachiponosko, bakuzotofyeka bakuwukira muchanya, miryango ya magadi yikujurika, bakukakika bakusuturika na kuthuta mvuchi wa chiponosko, bachiburumutira bakuwona, dazi la chiponosko liza.” ~ G. E. Ladd. The Presence of the Future . Grand Rapids: Eerdmans Publishing, 1974. pp. 111-112. Pa chifukwa cha vyose ivyo Yesu wa ku Nazareti wali kufiska kwizira munyifwa yake, chiuka na chikwera, mlimo wake nga ndi wa nkhondo pa kwiziska Ufumu wa Chiuta uchali undafiskike. Kubazga buku la uvumbuzi na mabuku ghanyake gha apokalupto gha muchipangano chasono ghakuvumbura kuti wizengeso kuzakafiska utebeti wake weneuwo wali kwamba. Yesu mweneko wali kuyowoya na zuba likuru apo iye nga ndi mwana wa munthu wizenge pamabingu na bangero, kwiza kaparanyirathu nkhongono zose izo zikuwukira ufumu wake (Mariko 13.26).

 11 Peji 54 Kulongosora chigaba I mpaka D

 12 Peji 61 Pa umaliro