Ufumu wa Chiuta, Buku la Msambizgi

3 3 2 /

UFUMU WA CHIUTA

wawoneka na kukhazikika mucharu. Yesu wakuyimira uvumbuzi wa umaliro wa Chiuta, nkhongono zake, na kuwonekera kwake (Baheberi 1.1-4).

Kwiza kwa Yesu Khristu mucharu kukurongora kabiro kapya ka Chiuta pakurwa nkhondo na ulato wakuwezgeramo charu kwa iyo mweneko. Yesu wakukolezgera moto pa nkhondo za Ufumu wa Chiuta na barwani ba Chiuta, chomenemene Satana na bangero bake. Yesu wakukhazikiska Ufumu na mazaza na kurwa na barwani aba. Wakurwa nkhondo iyi na vyombo vyakuwoneka na maso chara kwene na nkhongono ya Mzimu Mtuba. Mwachiyerezgero, apo Petrosi wakarwa na lupanga, Yesu wakamuchenya na kuwezgerapo khutu la uyo wakakwanjurika, pa umaliro wakafwa pa mphinjika chenechicho ndicho ndi chirwero cha umaliro cha Chiuta pa kuwombora banthu (Mateyo 26.50–56). Paulosi wali kurongosora nkhani ya Yesu pa kuba wankhondo mulara na wa mazaza pakumuphara kwakuyana na nyifwa yake pa mphinjika. Wakuyowoya kuti Yesu wali kubapoka mahomwa barwani bake wose (Bakolose 2.15), na kuthereskeka kwawo ka umaliro pa mphinjika. Kufwa na kukwera kwa Yesu vikuwoneka kuba chikondwelero chapachanya chomene kwa iyo ndi chatonda, mweneuyo wakwiza na chanduro pakwiza na banthu awo basuturika kufuma kwa murwani. Makani agha ghakuwoneka mu kalata wa Paulosi ku Baefeso 4.7-8, apo wakalabiskanga pa Masalmo 68, sumu yabapankhondo. Mwakuzukumiska chomene, Fumu yithu Yesu wali kutonda barwani ba Chiuta na kukhazikiska Ufumu wa Chiuta, kutonda nkhondo zose kwizira pa mphinjika pakuzomera kufwa. Mu unenesko wose, Yesu wali kukhazikiska mukwiza kwake karwero ka nkhondo zose. Tikumutonda murwani kwizira mukurwa na banthu banyithu chara, kwene kwizira mukujipereka umoyo withu chifukwa cha iwo; tikutonda nkhondo kwizira mukukoma banthu chara, kwene kwizira mukukhara bamoyo mwakujipereka kuba semba ya moyo pamaso pa Chiuta. Kuti tikutonda na futi panji vilwero vyakuwoneka na maso chara, kwene na Mazgu gha Chiuta na chishango cha chipulikano (Baefeso 6.10-18). Kurwa na kutonda uko Yesu wali kuchita vikutipa ise kaghanaghaniro kakuti tikwenera kurwa na murwani munyengo zose (Baroma 7.7–25; 2 Bakorinto 10.1–6).

 10 Peji 53 Kulongosora fundo yakwamba