Ufumu wa Chiuta, Buku la Msambizgi

/ 3 3 1

UFUMU WA CHIUTA

nkhondo mukati mwa banthu bake. Kweniso makani ghamagomezgeko ghake pa malaghizgo ghake agho wali kupereka kwa Abrahamu, Israyeli, Yuda na Davide. Panikizgirani kuti mwapereka mwabi kubasambiri binu kuti bafumbe mafumbo na kuba na mwabi wakudumbirana makora apo bandapulikiske.

Chigaba chachibiri chalabiska chomene pakufiskika kwa Ufumu kwizira mwa Yesu wa ku Nazareti. Mukaghanaghaniro kakufikapo, Yesu ndi Fumu ndipo mwa iyo ndimo muli upanikizgi wa mazaza ghake. Mukayowoyero kanyake, icho Yesu wali ndicho chikumupa nkhongono za mazaza na ukayimire wake. Yesu wakuchita kwizira mu umoyo na mlimo wake wakuchita mlimo Yahweh wakuchema banthu mucharu na kubabika kuba bake na bake (Yesaya 55.5; Yohane 10.16, 27). Nga ndi Fumu na Themba, Yesu wali kupereka ku banthu bake mulingo na mweso wake, vyeneivyo vikwenera kupereka kachitiro na makhaliro gha banthu awo mbake (1 Bakorinto 5.4-5; 12.28; Baefeso 4.11-12; Mateyo 28.19-20; 18.17-18; 1 Timoti. 5.20; Tito 3.10). Ndi nkhongono za ufumu wake na mazaza ghake ivyo vikuvikilira, kovwira na kusungilira banthu bake munyengo zakusuzgika kwawo, nthangwanika, munyengo za kuyezgeka chifukwa cha zina lake (2 Bakorinto 12.9 10; Baroma 8.35-39), ndipo kwizira munkhongono zake izo wali kupika na ba Dada bake wakutonda na kuthereska barwani ba bake (Milimo 12.17; 18.9-10; 1 Bakorinto 15.25). Nga ndi uyo wali kusankhika na bawiske, wali na mazaza ghose kuchanya na pasi, wakurangura na kunozga vinthu vyose kuti vibeko pachifukwa cha uchindami na ntchindi zake ndipo wakunozgera kuhalira viweme vyose ku banthu bake (Baroma 8.28; 14.11; Bakolose 1.18; Mateyo 28.19-20). Ndipo nga ndi mweruzgi, dazi linyake wizamkupereka weruzgi wake wurunji wakufumira ku baDada bake pa banthu wose awo bakumkana. Wizamkuwezgera nduzga pa wose awo bakukana muwuso wake na kumugarukira (Masalmo 2.9; 2 Batesalonika 1.8). Kurongosora mwaufupi, Yesu nga ndi Fumu kukurongora unenesko weneuwo ukupanikizgikra na umo mweneko wakusambizgira. Icho chikwenera kudidimizgika chomene ntchakuti, icho chikalaghizgika waka na kuwonekera mumzgezge waka mu laghizgo ilo likapika kwa Abrahamu, ndipo sono mwa Yesu wa ku Nazareti, ndicho chazgoka kuba cha unenesko na chakupanikizgika. Mwa Yesu wa ku Nazareti, Chiuta wavumbura na kumanyiska uchindami na nkhongono za ufumu wake. Ufumu wa Chiuta wa vumbukwa mwa Yesu Khristu kwizira mu vyakuchitika na umoyo wake. Kwizira mwa Yesu Khristu ufumu wa Chiuta

 9 Peji 52

Chisambizgo mwawufupi