Ufumu wa Chiuta, Buku la Msambizgi

3 3 0 /

UFUMU WA CHIUTA

Zina ili lakuti Israyeli, ndilo ndi zina lenelilo likapika kwa fuko lose la bana ba Yakobe, bazukuru ba Abrahamu, kwa mweneuyo Chiuta wakapereka phangano, leneliloso wakapereka kwa Isake na Yakobe. Mwanteura, banthu ba Chiuta, awo ndi banthu ba phangano bakaba bamafuko ghose gha Israyeli (12) ndipo bakachemeka kuti bana ba Israyeli (Yoshuwa 3.17; 7. 25; Beruzgi 8.27; Yeremiya 3.21), na nyumba ya Israyeli (Kufuma 16.31; 40.38). Chakuzirwa chomene kuwona ndi mphapu ya Abrahamu, na kuwerezgeka kwa phangano la Chiuta ku bana na mbumba ya Abrahamu. Muchipangano chakare, zina ili likutebeteskeka mwakupambanapambana. Mwachiyerezgero, pa nyifwa ya Saluli, mafuko ghose khumi gha kumpoto bakajitya zina la Israyeli kuba ngati kuti iwo ndiwo bakimira mtundu wose wa Israyeli. (Wonani 2 Samuweli 2.9, 10, 17, 28; 3.10, 17; 19.40-43). Apo charu chikakuranga, kufumira apo ufumu wukagabikana pamanyuma pa muwuso wa fumu Solomoni, mafumu na bakuwusa kuchigaba chakumpoto bakachemekanga kuti mafumu gha Israyeli ndipo mafumu gha mafuko ghabiri (Benjamin na Yuda) ghakumwera ghakachemekanga kuti mafumu gha Yudeya. Apo maufumu ghose ghabiri ghakumpoto na kumwera ghakayorekera kuwuzga ku Assyria na ku Babulo, zina la Israyeli likamba kutebeteskekaso mwakuyimira mafuko ghose gha mumphapu ya Abrahamu. Pakulabiska munthazi apo pasi pa muwuso wa Chiuta banthu ba Chiuta bamuwiro wose bawunganenge Pamoza pasi pa muwuso wa Chiuta mu Ufumu wake, tikuwonaso zina la Israyeli likuyowoyeka pakulinganizga na banthu aba, “Israyeli weneko na wa unenesko” (Masalmo. 73.1; Yesaya 45.17; 49.3; Yohane 1.47; Baroma 9.6; 11.26). Chakwenelera kudidimizgika apa ndi kulutilira kwa mbiri ya laghizgo la Chiuta kwa Abrahamu na ku mphapu yake mwenemumo Mesiya wati wizirengemo, panji mbeu yake yiti yizirengemo. Nkhwizira mu mbeu ya Abrahamu umo charu chiti chiwomborekenge na kuwezgekera kwa Chiuta.

Mukati mumafumbo agha muwonenge kuti ghali na ulato wakukhumba kuti basambiri bamanye chomene makani ghakukhwaskana na Chiuta wa zinkhondo. Bikanipo mtima chomene pakovwira basambiri kuti bapuikiske makora makani agha apo mukulabiska nkhani yakujipereka uko Chiuta wali kuchita pakurwa

 8 Peji 51 Mafumbo

ghabasambiri na Mazgoro ghake