Ufumu wa Chiuta, Buku la Msambizgi

/ 3 3 7

UFUMU WA CHIUTA

Kunjilira kwa Ufumu wa Chiuta

Vyakulemba vyamsambizgi 3

Tampokelerani kuchisambizgo cha chitatu, Kunjilira kwa Ufumu wa Chiuta. Ulato ukuru wa chisambizgo cha Ufumu wa Chiuta ngwakuti basambiri bamanye kusanga nkhongono, mnthondwe na ntchemo ya Ufumu wa Chiuta, na ching’anamuro chake pa umoyo wawo na pa utebeti wawo. Utebeti wa mpingo, mucharu na muchigaba chawo ukwiza panthazi pa vidumbirano, chifukwa chakuti Mpingo, ndiwo wuli pakati pa vyakuchitika kweniso ndiwo ndi chaiyabiro cha uthenga wa Chiuta. Chisambizgo ichi chili kunozgeka na ulato wakurongora basambiri umo Chiuta, kwizira mwa Yesu Khristu, wali kupanga Mpingo wa Yesu Khristu kuba malo umo Ufumu wa Chiuta na nkhongono zake vikuwonekera kucharu. Ntheuraso, mpingo ndiwo ndi ntchiyabiro icho Chiuta wakurongoleramo Ufumu wake Pamoza na nkhongono zake kucharu. Mpingo wuli na mlimo wakuchitira ukaboni wa nkhgongo za Chiuta kucharu. Chakukhumbikwa chomene icho mukwenera kuchita ku basambiri binu ntchakuti mukwenera kubachiska kuti batebete na mtima wose mukati mu Mpingo pakurongora nkhongono ya Chiuta kwizira mukuchitira ukaboni. Wonani mu Ulato wa chisambizgo umo fundo iyi yikulongolekera na kulongosoreka ndipo yowoyani mwakuwerezgawerezga nyengo zose apo mukusambizga. Chigaba ichi chikubika na kugumanya Pamoza utebeti wa Yesu nga ndi chinkhara chankhondo na utebeti wa Mpingo. Yesu ndiyo wali kupereka kutonda ku mpingo (Baefeso 6.10-18). Yahweh, kwizira mukugomezgeka kwa phangano lake na uvumbuzi wa uchindami wake mwa mwana wake, Chiuta wali kukhazikiska Ufumu wake mucharu. Nga ndi mlengi, kajiyimire Chiuta wakuchanya na pasi, kwizira mwa Yesu Khristu wakwambiskaso muwuso wake pa charu (Marango gha Chibiri 7.6). Nkhondo ya Chiuta muchipangano chakare yikarongoreka kwizira mnkhondo zituba izo Chiuta wakaranguranga pa barwani bake. Mwantheura, nkhondo yakuwuzimu na zinkhondo zose izo zikachitikanga ndi mlimo wa Chiuta izo mweneko wakazibikako pakurongora khumbo lake na ulato wakumara mafuko agho ghakaba barwani bake (Baefeso 2.2; Bakolose. 3.5). Mwantheura, nkhani ya Ufumu wa Chiuta ndi nkhani ya Chiuta, apo wakurwa na banthu awo bakumukana na kukanaso muwuso wake.

 1 Peji 71 Jando la chisambizgo

 2 Peji 71 Kujipereka