Ufumu wa Chiuta, Buku la Msambizgi

3 3 8 /

UFUMU WA CHIUTA

Nga ndi umo kwayowoyekera kale, ulato wa chisambizgo ichi ngwakulongora mazaza agho Chiuta wali kupereka ku Mpingo pakuwupa nkhongono za kuchitira ukaboni na kupanikizgira nkhongono zake kucharu. Nkhani za kugumanya izo zabikika apa zili na ulato wakurongora mwakufikapo ubare uwo wulipo pakati pa Mpingo na kujipereka uko basambiri bakwenera kuba nako kwa Yesu. Ntchinthu icho chikuchitika chomene mumazuba ghithu lero kuti banthu bakujithya kuti bali pafupi chomene na Yesu penepapo ubare wawo wuli kutari chomene kweniso bambura kuzirwiska Mpingo. Kuyowoya unenesko, banthu banandi awo bakuyowoya kuti bali na ubare na Yesu, balije ubare wakufikapo na Mpingo. Bakuwona Mpingo ngati ntchinthu chambura chanduro. Mawupu ghanandi gha chikhristu ghakujiwona kuti ngakuzirwa chomene kuluska Mpingo. Chisambizgo ichi chikususka kaghanaghaniro aka ndipo chikubika pakweru kuti maghanaghano ghantheura ghalije unenesko kufumira mu Mazgu gha Chiuta. Ulato wachisambizgo ichi ngwakovwira basambiri kuti balanguruke makora na kuwona ubare wawo na mpingo na umo Chiuta wakubatebeteskera mkati mumpingo. Kungaba chara kuti munthu wabe na ubare na Khristu na kutondeka kuba na ubare wakwenelera na Mpingo. Ulato ukuru chomene muchigaba ichi na icho chikwiza ngwakovwira basambiri bithu kupulikiska kuzirwa kwakuba batebeti mukati mu Mpingo. Lizgu lakuti Mpingo likufumira mulizgu la chigiriki lakuti kuriakon kung’anamura kuti “nyumba ya Fumu”. Muchipangano chasono, lizgu lakuti Mpingo likufumira mu lizgu la ekklesia , muchigiriki, panji kuti bakuchemeka na kupaturiskika. Pachiheberi (lakukozgana na lakuti qahal muchiheberi, mu Tesatamente la kale). Mazgu ghose agha ekklesia na qahal ghakatebeteskekanga kung’anamura ungano. Lizgu ili muchipangano chasono kuti likang’anamuranga malo ghakuwunganamo panji chihema, panji zina la mpingo (CCAP) chara. Kwene zina likatebeteskekanga kung’anamura 1. banthu awo biza kwa Chiuta kwizira mwa Yesu Khristu [Milimo 19.32, 39, 41]; 2. Thupi lose la banthu bakupulikana awo biza kwa Chiuta kwizira mwa Yesu Khristu apo balapa mwachipulikano [mwachiyerezgero Baefeso 5.23 29; Baheberi 12.23]; 3. Kawupu ka basambiri ba Yesu Khristu awo bakukumana Pamoza mu wene na wene na ku mlimo wakutumika [Baroma 16.5; Bakolose 4.15]; 4. Bakupulikana awo bakukhara na kusangana Pamoza mumalo panji muchikaya, mwachiyerezgero, mpingo wa Kubakorinto [1 Bakorinto 1.2, Mpingo

 3 Peji 73 Kugumanya

 4 Peji 74 Chisambizgo mwa ufupi