Ufumu wa Chiuta, Buku la Msambizgi

/ 3 3 9

UFUMU WA CHIUTA

wa ku Yerusalemu” Milimo 18.1, mpingo wa ku Efeso,” Uvumbuzi 2.1]; 5) thupi lose la banthu awo bakuyowoya na kupulikana na Yesu Khristu awo mbamoyo kuno kulero [1 Bakorinto 15.9; Bagalatiya. 1.13; Mateyo 16.18]. Apa tikuyowoya na mpingo uwo wukuwoneka, kung’anamura bakupulikana awo bakuphara pakweru na kukoreska Yesu Khristu mucharu cha bamoyo kuno kulero. Chakuzirwa chomene kwa imwe nga ndi msambizgi nkhuyeziska kudidimizga ku basambiri binu apo bakudumbirana na kusambira Pamoza kuti Mpingo ngwakuzirwa chomene ku ulato wa Ufumu wa Chiuta, nanga wuli ufumu kuti ndiwo ndi Mpingo chara, kwene ngwakwenelera na wakukhumbikwa chomene pa makani gha ufumu wa Chiuta apo ukuchitira ukabona wa umoyo, nkhongono, chisopo, na utebeti kwa Chiuta. Ulato ngwakumazga kaghanaghaniro kakuti ufumu wa Chiuta ungapulikiskika makora kwambura kupulikiska makora kabiro na mpingo wa Yesu Khristu mucharu kuno kulero. Chimoza mwaminthondwe iyo yili mu Mazgu gha Chiuta nkhayowoyero ka vinthu mu vinthanguni, ntharika, mizgezge na fundo ivyo vikukhwaska kabiro ka Mpingo wa Yesu Khristu. Paul Minear mu buku lake, Images of the Church in the New Testament , wali kundandika vinthu 96 ivyo ndi mizgezge iyo wali kusanga mu mpingo, apo wakuvilongosora na kuphara umo ndi mizgezge ya banthu ba Chiuta, chilengiwa chipya, wene na wene wa batuba muchipulikano na thupi la Yesu Khristu. Usange munthu wakubazga kufumira mu uvumbuzi wa muchipangano chasono pa makani gha Mpingo wa Khristu mbusambazi wa maghanoghano ghakufumira mu Bapostole pakalabiskiro na marunguruko ghawo pa kabiro ka Mpingo. Pa ivyo wali kulemba Minear ndi kulinganizga mpingo na mchere wa charu, bakurwa na Satana, bazga bakupaturika, babwezi, bana ba Chiuta, bamumbumba ya Chiuta, kalata wa Khristu, minthavi ya mpheska, bakusoreka, mwari wa Khristu, balendo, nkharamba, mtundu wakusoreka, Tempile lituba la Chiuta, Basofi, chilengiwa chipya, vibaro vya Khristu na thupi la uzimu. Kayowoyero aka ako kali muvizgezge vikurongora kuti Bapostole bakakhumba chara kulongosora Mpingo mwakuwufinyizga pa kuwona tunthu tudoko waka. Mlimo uwo Mpingo ukutebeta mucharu ngwakuzura na wakwenelera nga ndi umo Yesu na Bapostole bakuyowoyera. Kuyowoya mwakufikapo, Mkhristu wakwenera kulabiska umo Yesu na Bapostole bakuyowoyera na umo kabiro ka Mpingo kaliri ndipo wangamanya kupulikiska makora utebeti wa Mpingo mcharu.

 5 Peji 74 Kulongosora chigaba chakwamba