Ufumu wa Chiuta, Buku la Msambizgi

/ 3 4 1

UFUMU WA CHIUTA

kuba ukaboni na vimanyikwiro vya ubapo wa Ufumu wa Chiuta, umoyo, na nkhongono za Chiuta.

Panji chimanyikwiro chikuru chomene chakuti Mpingo ndicho ntchimanyikwiro na chiyabiro cha Chiuta munyengo ya sono ntchakuti Mzimu Mtuba wakukhara mu banthu ba Chiuta. Palijeso chimanyikwiro chinyake chili chose chakurongora ubapo wa Chiuta kuluska ichi. Nga ndi umo Petrosi wakyowoyera mu wukaboni wake mu Milimo 2.14 wakuyowoya kuti kuyowoya mumalulimi ghapya ntchilongolero cha kufiskika kwa uchimi wa mu buku la Yoweli kwakuyana na kwiza na kupungulika kwa Mzimu Mtuba pa banthu wose mu mazuba gha Mesiya, kupungulika uku kwa Mzimu Mtuba pa Mpingo chikaba chawanangwa cha Chiuta pa ba Yuda na bamtundu mwakuyana waka (Milimo 10.45; 11.15ff.). Chawanangwa ichi cha Mzimu Mtuba, mwakukoleranako na kwiza kwa Mtende wa Chiuta pa umaliro wa zinyengo, sono vingapokelereka kwizira mukurapa mwa chipulikano mu mlimo wakuponoska wa Yesu Khristu (Milimo 2.38). Chawanangwa cha Mzimu Mtuba mwakukoleranako na kunjilira kwa Ufumu wa Chiuta, ndi vyamachitiko kwa munthu wali yose, wamtundu na mu Yuda wuwo, usange wabapatizika mzina la Yesu Khristu (Milimo 2.39; Yoweli 2.32). Mpingo ukazuzgika na Mzimu Mtuba kufumira pamtendeko apo Mzimu ukizira pa iwo (Mlimo 13.1-3; Milimo 20), Mzimu wakapereka nkhongono ku babeti bake (Milimo 4.31; 6.5; 7.54;), na kurongozga kupharazgika na kuthandazgika kwa uthenga wa chiponosko kucharu (Milimo 9.31; 13.2; 15.28; 16.6-7). Chifukwa chakusangika kwa Mzimu Mtuba mu Mpingo, kuchizgika, kuzgoka, kufumya mizimu yiheni, na minthondwe yinandi yikachitikanga. Nkhongono ya Ufumu wa Chiuta na kusangika kwake mu mpingo vibengepo mpaka kuwumaliro wa mgonezi (Mateyo 28.28) Mu mafumbo agha, musangenge kuti ulato ngwakuti basambiri bamanye na umo Mpingo wa Yesu Khristu wuli kubambikizgana na Yesu Khristu kwizira mwa Mzimu Mtuba. Kweniso, kusangika kwa Mzimu Mtuba pa Mpingo ntchimanyikwiro chapakweru chakuti Bapostole bakapulikiska kuti Mpingo ukwenera kuba na vyawanangwa na vitumbiko vya munyengo ya Mesiya kuno kulero. Ichi ndicho chifukwa ntchakwenelera chomene kuti bakhristu bakwenera kupulikiska makora kuzirwa kwakusangika kwa Mzimu Mtuba mu Mpingo. Didimizgani chomene

 7 Peji 77 Kulongosora fundo yachibiri

 8 Peji 81 Mafumbo gha basambiri na Mazgoro ghake