Ufumu wa Chiuta, Buku la Msambizgi

3 4 2 /

UFUMU WA CHIUTA

na kuwoneseska kuti basambiri bakupulikiska ulato wa chisambizgo kwakuyana na fundo izo zili kuperekeka mu ulato uwo wuli kulongosoreka pa kudankha kwachisambizgo.

Mpingo wuli na vigaba vibiri ivyo ndi vyakuzirwa chomene muchisambizgo ichi. Nga mbungano wa Chiuta, Mpingo wuli na utebeti wakulongora vyawanangwa vya Mzimu Mtuba ndipo nga ndi chiyabiro cha Chiuta, Mpingo ndi chiyabiro cha Chiuta umo Uthenga wa Ufumu wa Chiuta na nkhongono zake vikuwonekera na kuruvyika kucharu. Mukayowoyero kanyake tingati, Mpingo ntchakupokelera cha vyawanangwa vya Chiuta mu charu. Mu Mpingo ndimoso Chiuta wakujilongolera kucharu kwizira mu vyawanangwa na nkhongono zake izo zili pakweru. Mpingo ntchilongolero cha nkhongono, chitemwa, chiponosko na Mtende wa Chiuta. Ulato winu apa ukwenera kuba wakulongora kuti Mpingo ndi wungano wa batuba na chiyabiro cha Chiuta umo wakujilongolera kucharu. Mlimo wa Mpingo wa kumsopa Chiuta ndiwo ndi mlimo ukuru chomene uwo Chiuta wali kupereka. Mu utebeti wake wa sembe wa Chiuta, Mpingo wuli na mlimo wakuphara ku charu kuzirwa, ukuru na uchindami wa Chiuta (1 Petrosi 2.9-10). Mpingo wuli kubabikaso na ulato wakurumba, kupereka ntchindi na marumbo kwa Chiuta, vyeneivyo ndi vyakumwenelera Chiuta pera. Ulato wa Chiuta pa Mpingo, kwamba pamtendeko, ukaba wakuti warongore uchinkhara wake kwizira mu mbiri ya banthu. Kwizira mwa Yesu Khristu, Yahweh wali kurwa nkhondo na kuthereska barwani bake wose kuwuchindami wake. Chifukwa chakuthereska uko wali kuchita, wali kubikako utebeti wakuwezgereska banthu kwa iyo mweneko. Mpingo wa Yesu Khristu ndicho ntchiyabiro chake icho wakwizira na uchindami na vitumbiko kucharu.

 9 Peji 82 Chigaba chachibiri mwawufupi

 10 Peji 82 Kulongosora fundo yakwamba

Mlimo wa upostoli wa Mpingo ntchinthu chakuzirwa chomene pa utebeti wa Mpingo mucharu. Mpingo wuli kuzengeka pa chipulikano cha Bapostole na zintchimi ndipo Yesu Khristu ndiyo ndi libwe lapachinkhodya (Baefeso 2.20). Bapostole ndi banthu awo Yesu wakabasankha kuba basambiri bake ndipo

 11 Peji 83 Kulongosora fundo yachibiri