Ufumu wa Chiuta, Buku la Msambizgi

/ 3 4 3

UFUMU WA CHIUTA

bakakhara nayo na kuchitira ukaboni vyose ivyo bakamwona wakuchita. Utebeti wa awo bakamwona na maso ukupambana na wa awo bakachita kupulika waka. Bapostole ndiwo lufura lwa Mpingo ndipo kufumira mwa iwo ndimo muli ukaboni na upanikizgi wa mlimo wose uwo Yesu wakachita. Bakhristu bakudankha bakakhorwa kuti ukaboni wa Bapostole kwakuyana na umo bali kuwurembera mu mabuku ghawo ngwaunenesko ndipo ngwakwenelera kuwurongondezga chifuwa ndi Mzimu Mtuba uyo wakabatutuzga kuti balembe. Kwambira mu vilimika vya mu 19th century, banthu bakusanda Mazgu gha Chiuta bakhara bakufumba usange Bapostole ndiwo bali kulemba mabuku gha mu Testamenti lasono kwamba na mabuku gha Ivangeli, Milimo, Yakhobe, 1 na 2 Petrosi, Yuda na Uvumbuzi. Mafumbo ghanandi ghakhara ghakufumbika pakati pa nkhwantha za Mazgu gha Chiuta, usange nadi ndi Paulosi uyo wakalemba kalata wa ku Befeso, Bakolose, 1 na 2 Timoti, Tito na Baheberi. Ndipo wuli, nanga wuli pali mafumbo ghanandi agho ghakwiziska nkhayiko pakati pa basambiri aba, Mpingo wa Yesu Khristu wuli kupulikana na kuzomerezga kuti mabuku ghose agha ghali kulembeka na Bapostole ba Yesu Khristu, ntheura ngwakwenelera kughagomezga pa ivyo ghakuwoyoya na chikanga chose. Chiyerezgero ichi chikurongora kuti Mpingo, nanga wuli sayansi yakhara yikususka chigomezgo chake, wakhara ukukoreska chipulikano chake pa ivyo wuli kugomezga kuti vili kufumira kubapostole ba Yesu Khristu. Mwantheura, Mpingo wuli kusungilira chisambizgo cha Bapostole na maluso ghawo agho ghali kufumira muvisambizgo vyawo. Pa kuvikilira chipulikano chithu, kukukhumbikwa kupulikiska kut uthenga na ulato wa Bapostole ndicho ndi mazaza gha umaliro gha chipulikano na maluso gha Mpingo. Nga ndi umo kwayowoyekera kale, chimanyikwiro cha mpingo pakuba wungano wa munyengo ya Mesiya na nkhongono ya Ufumu wa Chiuta nkhusangika kwa Mzimu Mtuba mu mpingo. Pakuba Tempile la Chiuta wamoyo, bakupulikana kuno ku lero, bakuzengeka Pamoza kuba mwakukhara mwakwenelera mwa Chiuta, mwakukhara mwa Chiuta Mzimu Mtuba (Baefeso 4.22). Kwizira mukuthereska kwa Yesu Khristu pa barwani bake, wali kuphakazga wakupulikana wali yose na uchizi kwakuyana umo Khristu wakukhumbira (Baefeso 4.7; Baroma 12.3). Mwakulutirizga, Paulosi wakusachizga kuti Chiuta wali kuphakazga banthu awo

 12 Peji 86 Kulongosora fundo yachinayi