Ufumu wa Chiuta, Buku la Msambizgi

/ 3 4 7

UFUMU WA CHIUTA

Kufiskika kwa Ufumu wa Chiuta

Vyakulemba vyamsambizgi 4

Tampokelerani kuchisambizgo chachinayi, Kufiskika kwa Ufumu wa Chiuta . Chisambizgo ichi chikuwoneka kuti ntchitali chomene pavyose kweniso chinono chomene pavyose. Makani gha muchisambizgo ichi ghakuwoneka kuti ngakusuzga kupulikiska ndipo nganono kujumpha makani ghose. Basambiri ba Mazgu gha Chiuta bakhara bakupambana chomene pakapulikiskiro ka makani agha. Makani gha nyifwa, ivyo vikuchitika usange munthu wafwa, chiuka, kwizaso kwa Fumu Yesu, masuzgo ghakuru, kweniso kuchanya na ivyo vizamkuchitika usange Yesu wizaso. Kupulikana na kususkana pa makani agha vili na umo basambiri basambilira kweniso na ivyo bakumanya kale. Chakukhumbikwa ntchakuti imwe Pamoza na basambiri binu mukwenera kusanda na kulondezga makora makani agha na fundo zake mwakuti mumanye kupulikiska makora makani ghose. Chakuzirwa chomene ntchakuti mupulikiske na kumanya makani gha Ufumu wa Chiuta na kukhazikiskika kwa Ufumu wa Chiuta na kwizaso kwa Yesu mucharu. Ulato wa ba cha chisambizgo Ufumu wa Chiuta ngwakupereka umanyi wakufumira mu Baibulo wenewuwo ungabavwira kupulikiska icho Chiuta wakuchita mu mbiri ya banthu, na kubanozgekereska kuba bakaboni ba Khristu na Ufumu wake. Chisambizgo cha umaliro ichi chikwima chomene pa vinthu vinandiko ivyo ndi vyakuzirwa chomene pa makani gha Ufumu wa Chiuta na apo tikumalizga masambiro agha. Chisambizgo ichi chkukhwaska fundo zose izo zikuyowoya na kwizaso kwa Yesu mucharu na vinthu ivyo vizamchitika kuwumaliro wa charu. Muchisambizgo ichi musangenge fundo zikuzikuru za visambizgo mwawufupi. Mliso visambizgo vya kweruzgika kwa banthu, kwizaso kwa Yesu Khristu, makani gha nyifwa na ivyo vikuchitika ku banthu usange bafwa. Muliso makani gha kulengeka kupya kwa chilengiwa, na vyakurondezgapo vyake. Icho mukwenera kuchita ntchakuwona fundo zose kwizira mumankhani ya Chiuta. Chifukwa chikuru icho bakhristu bakutondekera kupulikiska uchimi wa vinthu vyakunthazi ntchakuti bakuguzikira pasi na tunthu tuchokotuchoko na kusoba munthowa panji kutondeka kuwona fundo yikuru iyo yikukhwaska Chiuta wankhono zose. Chonde wonaniso kufumira mu ulato uwo unenesko wose uwu ukuyezgekeramo. Nga nkhruso, udindo winu nga ndi msambizgi ngwakudidimizga fundo izi na kuwoneseska kuti zikupulikiskika, chomenemene munyengo ya vidumbirano na basambiri binu.

 1 Peji 99 Jando la chisambizgo