Ufumu wa Chiuta, Buku la Msambizgi

3 4 8 /

UFUMU WA CHIUTA

Chigaba chakujipereka chikulabiska pa fundo iyo yili kuperekeka pakudankha pa visambizgo ivi. Apa tikung’anamura kuti visambizgo vya kwizaso kwa Fumu yithu vikwenera kupulikiskika makora. Visambizgo ivi vikwima pa kawonero kithu pa kufiskika kwa Ufumu wa Chiuta kwizira mwa mwana wake Yesu Khristu. Chisambizgo ichi chikuvumbura apo pali mtima wa Chiuta. Mtima wa Chiuta wuli kwima pa kukhumba kurongora nkhani yake yose kwizira mwa Mwana wake Yesu Khristu mweneuyo Dada wali kumupa mazaza ghakumazgira vinthu vyose. Fundo iyi kuti njakujiperekako waka chara kwene ndi masambiro ghakuru chomene agho tikwenera kughakoreska. Kwizira mwa Yesu wa ku Nazareti tilikwiza kukupulikiska Chiuta makora, kwizira mwa iyo Chiuta wizamkweruzga chilengiwa chose na kuwezgera kwa iyo mweneko vinthu vyose. Wali kupika mazaza ghose ndipo iyo mwene nga ndi Fumu pa vyose wati wafiskenge vyose. Apa ndipo tikumuwona Yesu kuti ndiyo mufiski wa vyose ivyo baDada bali kudazga pa Yesu nga ngwakuphakazgika wa Chiuta, uyo wizamkuwusa kwa muyirayira. Fundo yikuru njakusunga ivyo ndi vyakuzirwa chomene kuba vyakuzirwa chomene pa vyose. Fundo iyi njakuzirwa chomene apo tikulabiska na kusambira makani gha vyakuchitika kuwumaliro wa charu. Chonde labiskaniso pa fundo izo zikuyowoyeka mu ulato wa chisambizgo. Nga nkhaluso, utebeti winu ukwenera kuba wakudidimizga fundo izi muchisambizgo chose, chomenemene munyengo yakudumbizgana na basambiri binu. Apo mukutora nyengo chomene pakudumbizgana makani agha, basambiri binu bakusanga mwabi wakupulikiska chisambizgo. Nanga wuli uvumbuzi wa Chiuta mu Baibulo wuli kwima chomene pakumanya khumbiro la Chiuta pa chilengiwa chake, upharazgi na usambizgi wa mpingo kuno kulero, ukurongora kuti chisambizgo na uvumbuzi uwu vili kulekeka kutari chomene. Visambizgo na mawupharazgi ghithu na chisopo chithu ghakuphara vibi chara na kwizaso kwa Yesu Khristu. Mu mipingo yinandi, baliska banandi balikuleka kuphara na panji kupharazga makani gha kwizaso kwa Yesu Khristu. Ulato umoza uwo mukwenera kubikapo mtima chomene ngwakusambizga na kupanikizgira kubasambiri binu kwizaso kwa Yesu na kukhazikika kwa Ufumu wa Chiuta. Nkhani izo zaperekeka pasi apa ndi zakovwira kuti basambiri bapulikiske makora makani agha.

 2 Peji 99 Kujipereka

 3 Peji 101 Kukhwaskana