Ufumu wa Chiuta, Buku la Msambizgi

/ 3 4 9

UFUMU WA CHIUTA

Ntchakuzirwa chomene kuwona kuti kukhazikiskika kwa Ufumu wa Chiuta kuli kukholera pa fundo yakuti Yesu ndiyo ndi Fumu. Chiuta Dada wali kupereka mazaza ghake ghose kwa mwana wake (cf. Mateyo 28.18), mwantheura, Khristu nga chatonda wali na mazaza na nkhongono zakumazga kuwukira kuli kose, kwananga, na kuwura urunji kuli kose nga ndi umo Chiuta Dada wali kumupira mazaza. Ndi Chiuta mweneko uyo wali kumukwezga Yesu Khristu, na kumupa zina lakujumpha mazina ghose mu muwiro wuno na uwo ukwiza, ndipo iyo mweneko wazampanikizga kuti lilime na khongono lili lose liphare kuti Yesu ndi Fumu na kumugwadira ku wuchindami wa bawiske (Bafilipi. 2.9-11). Nga ndi Fumu ya mafumu na Themba la mathemba, Yesu wali kutora mazaza ghakupereka udumuliro pa ivyo Chiuta Dada wali kulangura na kudumura (Yesaya 55.5; Yohane 10.16, 27; Tito 2.11-15). Nga ndi mutu na wakuwusa wa Mpingo, wakwenda pakati pawo, na kubapa vyawanangwa vyake na barongozgi, awo bakurongozga kwizira mu nkhongono ya Mzimu Mtuba (1 Bakorinto 5.4-5; 12.28; Baefeso. 4.11-12; Mateyo 28.19-20; 18.17-18; 1 Timoti 5.20; Tito 3.10). Nga ndi Mliska mweneuyo ndi msungiliri wa msambo wake, wakusungilira na kuvikilira msambo wake kuchofyo chili chose, kubavwira kutonda viyezgo na masuzgo agho bakukumana na nagho (Baheberi 13.20-22; 2 Bakorinto 12.9-10; Baroma 8.35 39). Nga ndi Chatonda, Ngwazi pa nkhondo, wali kukwera mu uchindami na kukhara kuwoko la maryero la Chiuta Dada wa nkhongono zose. Wakurongora kuvivya na kuthereska barwani bake wose ndipo wakurongora nkhongono za bawise kwizira mu Mpingo wake uwo ndi Msambo wake (Milimo 12.17; 18.9-10; 1 Bakorinto 15.25). Nga ndi Chiuta Mwana mweneuyo Chiuta mwene nkhongono zose kumupa mazaza pa vinthu vyose, wali na mlimo wakuwonelera na kuvikilira Mpingo wake, weneuwo wali kuwutuma kucharu chose kuya kachitira ukaboni wa mlimo wake na kuwezgera banthu kwa iyo mweneko kwizira mu nyifwa na kuzguka kwake (Milimmo 1.8; Mariko 16.14ff; Baroma 8.28; 14.11; Bakolose 1.18; Matt. 28.19-20). Pa umaliro, kweruzga kose kuli kpika kwa iyo (Yohane 5.22 23); iye ndiyo wali kupika mazaza ghakweruzga barwani ba Chiuta na kupereka njombe ku batuba awo mbakusoreka na Chiuta, kuya kawusa vyaru vyose na mzaza na kuwezgera nduzga pa awo bakumukana (Masalmo 2.9; Yesaya. 9.6-7; Uvumbuzi. 19.11-21; 2 Batesalonika 1.8). Makani ghose agha ghakuphara unenesko umoza pera: kwamba kwa Ufumu wa Chiuta uwo wuli mwa Yesu Khristu, Mwana wa Munthu, mweneuyo wali

 4 Peji 102

Chisambizgo chakwamba mwawufupi