Ufumu wa Chiuta, Buku la Msambizgi

/ 3 5 5

UFUMU WA CHIUTA

Kabiro ka kwizaso kwa Yesu Khristu ako kadumbika apa nkhakuzomerezgeka na kamapokelereko ako kakhara kakudumbika na bakupulikana kumugonezi na migonezi. Kweniso apo tikudumbiskana makani ghakwizaso kwa Yesu Khristu, tikwenera kumanya kuti pali banji awo bakukana makani agha. Ulato wakusambizga makani ghakwizaso kwa Yesu Khristu wagona pakumanyiska basambiri wunthu wake, na mlimo wake pakwizaso kwake. Chisambizgo ichi ntchakukhumbikwa chomene pakukhwimiska basambiri kuti bamanye kupulikana na kukoreska fundo za kukhwaskana na kwizaso kwake. Barongozgi bakwenera kumanya fundo izi mwakuti basambizge bakhristu kupulikana na kuvikilira chisambizgo cha unenesko. Kwakuyana na kukhazikiskika kwa Ufumu wa Chiuta, fundo ya muwuso wa vilimika 1000 njakukhumbikwa chomene chifukwa fundo zose zikuphara na muwuso wa Yesu Khristu pacharu. Fundo ya Muwuso wa vilimika 1000 yikufumira pa makani gha pa Uvumbuzi 20.1-10. Muvesi ili, Yohane wakuwona ndipo wakumulongosora Satana kuti ngwakukakika na kuponyeka mu chizongwe kwa vilimika 1000. Bakufwa mwa Yesu Khristu bakuwuka ndipo bakupika mazaza ghakuwusa pacharu Pamoza na Yesu Khristu pa nyengo ya vilimika 1000 (millennium). Mtende na bata vikusangika pacharu kufumira kwa Yahweh mu muwuso wa Yesu khristu. Ivi vikuchitika chifukwa Satana uyo ndi chata wa nthimbanizgo na ujira wose, wali kukakika na kuponyeka muchizongwe. Pakulabiska mutu uwu, tikukumbuskikaso na mauchimi ghanandinandi waka agho ghakuwoneka muchipangano chakare agho ghakuphara za Mwana wa Davide, mweneuyo wakuwusa kwa myirayira pa vyaru vyose mwakukoreranako na batuba mtima wose (Yesaya 2.1-4; 11.1-9). Visambizgo vya muwuso wa Mtende kwa vilimika 1000 ngwakuzirwa chomene chifukwa vikurongora makani agho ghangamanya kuluwika na kulekeka kuwaro kwa mpingo. Bakhristu wose usange bakuyowoya na vyakuchitika kuwumaliro wa Charu bakuyowoya fundo izo zili muchisambizgo ichi (nyifwa, umyirayira, umaliro wa charu, kweruzga kwa Chiuta, njombe ya barunji, na kurangika kwa bakumkana Chiuta), ntchamachitiko kuyowoya na makani ghose agha na kuruwa panji kureka kuphara na makani gha umaliro wa charu. Kanandikanandi bakuyowoya na za umoyo wabanthu mucharu na kuleka panji kuluwa kuyowoya za kweruzga kwa Chiuta.

 10 Peji 115 Kulongosora fundo I mpaka C

 11 Peji 118 Kulongosora fundo yachibiri