Ufumu wa Chiuta, Buku la Msambizgi

3 5 6 /

UFUMU WA CHIUTA

Fundo zakupambanapambana za kurongosora masuzgo ghakuru, zose zikukoleanako ndipo zikufumira mu fundo ya mu Baibulo yakurongosora Masuzgo Ghakuru agho ghamkubako pa umaliro wa charu. Makani agha ghakufumira mukusambizga kwa Yesu Khristu na Mpostole Yohane. Makani agha tikughawona pa Mat. 24.21; na pa Uvumbuzi 2.22; 7.14, muchigriki thlipsis megale . Masuzgo Ghakuru agha ghamkuchitika pa umaliro wa charu, ndipo ghakupambana na masuzgo agho bakupulikana bakukumana nagho nyengo zose pa umoyo wawo (Yohane 16.33). Masuzgo ghakuru agha ghakulongosoreka na kurongora kuti charu chamjumpha mumasuzgo ghakuru chomene agho ghandawonekepo pa charu na kare lose ndipo ghakuba chimanyikwiro chakwiza kwa Yesu Khristu ( Parousia) , uwo mbuvumbuzi wa Yesu Khristu na uchindami wake. Masuzgo ghakuru ghakulongosoreka Pamoza na nyengo iyo yikurongosoreka mu Luka 21.23 apo mlembi wakuphara kuti ndi nyengo iyo banthu bamkusoba Mtende ndipo mu Uvumbuzi 3.10 kweniso ndi nyengo yakuyezgeka iyo yamkuwira banthu wose mcharu. Nkhani yikuru pa makani agha njakuti kasi Mpingo ukutorapo lwande wuli pa makani agha? Kasi Mpingo wizamkuba nkhuni apo masuzgo agha ghamkuchitika? Kasi Mpingo wizamkujumpha mumasuzgo agha na kuzakawomboreka pamanyuma pake panji wizakufumiskikamo mucharu dankha ndipo pamanyuma pake masuzgo agha ghamkuchitika? Kasi mpingo wizamkufumiskikamo dankha pambere masuzgo ghandize? Ghose agha ndigho ndi mafumbo agho ghakufumbika muchisambizgo ichi? Palije kanthu ivyo munthu wali yosee wakupulikana navyo, icho tikumanya ntchakuti Chiuta withu ndi nguru na linga lithu munyengo zose (Nahumu 1.7), uyo wakumanya ndipo wakuwombora awo mbake nyengo zose (Yesaya 43.1-2). Cheruzgo cha Chiuta pa umaliro wa charu ntchiyambi cha kukhazikiskika kwa Ufumu wa Chiuta, ndipo kukukhalirika ukaboni mu mabuku ghose ghabiri, chipangano chakare na chipangano chasono. Muchipangano chakare, mwachiyerezgero, makani ghakudunjika chomene pa umo ntchimi zakhara zikuyowoyera pa mutu wa zuba la Fumu, apo Chiuta wizamkumarana na barwani bake wose na kuwezgeramoso charu kuba chiweme. Ivi vikusazgako kujikuzga kwithu, (Yesaya 2.12-17), kusopa vikozgo, (Yesaya 2.18-20; Zefaniya 1.8), mtundu wose wa zinkhondo na upusikizgi (Zefaniya 1.9), kupambana mu uzimu na kutondeka kufikapo (Zefaniya 1.12), na

 12 Peji 121 Kulongosora fundo yachibiri mpaka fundo B

 13 Peji 125 Kulongosora fundo yachinayi