Ufumu wa Chiuta, Buku la Msambizgi

/ 3 5 7

UFUMU WA CHIUTA

vyose ivyo vikutipangiska kuti tibe bakupuruka pa maso pa Chiuta (Yesaya 13.9). Dazi la Fumu ndakwizira ku banthu wose na charu chose (cf. Amosi 1.2; 9.1 4; Yoweli 3.2; Malaki. 3.2-5), awo wose bamkutubiskika na kutozgeka na Chiuta. Umaliro wa vyose ngwakuti umanyi wa Chiuta uzamkuzura mucharu chose na pa banthu wose ndipo banthu wose bizamkuzura na umanyi, uchindami wake na utozi wake wa Chiuta (Yesaya 11.9). Muchipangano chasono, cheruzgo cha umaliro chikupulikiskika kuba chakufumira mufundo ya kabiro ka Ufumu wa Chiuta, na Yesu Khristu nga ndi mweruzgi wa vyose (2 Timoti 4.1), mweneuyo pa iyo yekha wizamakupereka cheruzgo pa banthu wose (Mariko 15.62; Mateyo 10.15; 11.22, 24; 12.36, 41-42; 23.33). Cheruzgo ndi nyengo yakupeta na kupatura, kusanga vyose ivyo vikususka na kusuzga banthu ba Ufumu wa Chiuta na kuviwusakako ku bantu ba Chiuta (Mateyo 13.41-43, 47-50). Mazaza ghakweruzga charu ghali kupika kwa Yesu Khristu kufumira kwa Chiuta Dada (5.26-27), ndipo kuzamkurondezgeka na chiuka ku bakufwa kwa barunji na bakwananga (5.28-29 and 1 Bakorinto 15.22-25). Kweniso, umaliro wa chinthu chili chose ukulinganizgika na kabiro kake: cheruzgo cha Yesu Khristu chamkuba chakufikapo chomene ndiposo chakuzura na urunji (Baroma 2.11), ntcheruzgo cha banthu wose, mucharu chose (Baroma 2.6; 14.10; 2 Bakorinto 5.10), na wakufikapo chomene (Baroma 2.16). Nanga wuli ukuwoneka kuchedwa, wizenge nipera (2 Petrosi 2.4-10; Yuda 5-7). Ntchakukzirwa chomene kumanya kuti kugowokereka na kurunjiskika uko bakupulikana bakukumana nako, kukusintha vyose, umaliro na cheruzgo cha barunji. Chifukwa chakuti nkhongono ya kwananga yili kumalira pa mphinjika (Baroma 3.21-26; 8.1, 31-34; Baroma 10.10,14), basambiri ba Yesu bakweruzgika kwakuyana na njombe zawo pa utebeti wawo kwa Chiuta (Baroma 14.10; 1 Bakorinto 9.24-27; Yakhobe 1.12; 2 Bakorinto 5.10; 1 Bakorinto 3.13-15). Kwambura nkhayiko yili yose, chinthu chakofya chomene pa umoyo wa munthu wali yose ntchakuti, pakurondezgapo cheruzgo na kutayika kwa banthu bambura kupulikana, kwamkuba kutayika kwa banthu kwa myirayira, bamkupaturika kwa myirayira pamaso pa Chiuta (1 Batesalonika 5.3; 2 Batesalonika 1.9; Bafilipi 1.28; 3.19; Baroma 6.21); kweruzga kwa Chiuta kuli pabiri, ulipo pasono kweniso ukwiza kunthazi (Baroma 1.18-32). Ukupereka nyengo mwachisanisani ya kachitikiro kavinthu, buku la Ufumbuzi likupereka umanyi pa umaliro wa vinthu pa wose awo