Ufumu wa Chiuta, Buku la Msambizgi

3 5 8 /

UFUMU WA CHIUTA

bakukana urongozgi wa Chiuta. Kwizira mukweruzga kwa zimbata zinkhonde na zibiri (8-11) na madira gha nkhonde na ghabiri (16), tikuwona vitengero na masuzgo pa banthu pambere cheruzgo chindize. Muchipaturo cha umaliro, uvumbuzi wa Yesu kwa Yohane, ukurongora cheruzgo cha barongozgi awo bakumukana Chiuta, beneawo balikunozgekera ng’anjo ya moto, chilongolero cha kukomwa, kusokwa na kweruzgika (19.20-21). Satana, mweneuyo wakukakika na kuponyeka muchizongwe (abyss) kwa myaka 1,000, nyengo ya muwuso wa vilimika vya Mtende 1000 (millennial peace) (20.1-3), wakusuturika ndipo wakubapusika na kubanyenga banthu chipyachipya. Mukawonekero ka vinthu kakuzizwiska, kuchanya na pacharu vikuchimbira pamaso pake, mabuku ghacheruzgo ghakujurika (kurongora kusungilirika kwa milimo ya banthu na katebetero kawo na milimo yawo yose), na awo wose bakawura kusangika mu buku la umoyo bakuponyeka ku Nyanja ya moto wa surufure (20.11-15). Kachitiro na kabiro aka, kakurongora cheruzgo icho chikulindilira charu na maluso ghake (20.11; 21.1). Buku likumara na nkhani ya kwikha kwa Yerusalemu wa sono umo banthu ba Chiuta bayamkukhara Pamoza na Chiuta wawo. Kuchanya kupya na charu chipya vikwiza ndipo batuba mtima wose bakukhara Pamoza na Yesu Khristu mweneuyo ndiyo nkhungweruka kwa msumba uwu kwa myirayira (Uvumbuzi 21-22). Mboniwoni izo ntchimi yikawonanga vikuzgoka kuba vyakuchitika nadi: Yahweh wati wapange vinthu vyose kuba vipya mucharu icho walengaso mweneko (Yesaya 11.6-9; 65.17-25, Baroma 8.22-23). Nkhongono zeneko za chisambizgo cha cheruzgo cha umaliro cha Chiuta, mwakukoleranako na kufiskika kwa Ufumu wa Chiuta, zili mukuchiska kujipereka kwa banthu kwa Chiuta na kuba basambiri bake. Pakumanya kuti sono sono charu chiti chibenge mumasuzgo ghakuru ndipo chimarenge, fundo iyi yikwenera kuchiska banthu kujipereka chomene kwa Chiuta, kutebeta na lwana lose, pakumanya kuti charu na kuchanya vimarenge ndipo vipyenge na kumara na moto (2 Pet. 3.11-13). Kaghanaghaniro ka chikhristu kali kose ako tingaba nako kangafikapo chara pa uweme uwo ukulindizga banthu awo bazgoka na kumurondezga Yesu. Vyose ivyo vikuphara na kusinthika na uweme uwo ukubarindizga vikuyowoya pakweru kuti ndi vinthu vyakuzukumiska, vinthu ivyo palije uyo wangamanya kuvilongosora panji kuviphara. Tamkuba banthu bapya chara kweni bakuzgoka. Pali kulutilira

 14 Peji 128 Kulongosora fundo yachinkhonde