Ukaboni wa Chipangano chakale pa Yesu Khristu na Ufumu wake, Buku la Msambiri

1 1 2 /

UKABONI WA CHIPANGANO CHAKALE PA YESU KHRISTU NA UFUMU WAKE

Iguputo, kuthereskeka kwa charu cha Kenani, na kunjira kwawo mucharu cha malayizgano, na kuweleramo kwawo mucharu cha malayizgano kufuma ku charu cha wuzga cha Babeloni. Ivyo bakuwombokwa ba Chiuta bakwendamo vili kulongoreka kwizira mu ivyo bina Israyeli bakendamo: Kufuma, kuthereskeka kwa Kenani, Kuwezgekeramo mucharu chawo kufuma kuwuzga. Bakhristu nawo bakwenda mwakuyana na kukozgana na bina Israyeli kwizira mu wupya wawo mwa Yesu Khristu uko ndi kufuma kupya, uko nkhuwombokwa kupya kufuma kuwuzga wa Satana; Mpingo ukurwa na nkhongono za kumidima na charu chapasi; na kuthereska Kenani uko kulongoreka na kuthereskeka kwa murwani; kuwezgekeramo kufuma ku charu cha Babulo, uwo mbu tebeti wupya wa uthenga uweme, kuwezgekeamo kwa banthu ba Chiuta mu Ufumu wake, kwene kuko kukutilazgiska kukunjira kuchanya kupya na charu cha mulere pasi pa ulongozgi na mazaza gha Fumu yithu Yesu Khristu. Mukaghanaghaniro kakufikapo, Chihema chakusoperamo chikaba Chikozgo panji Mzgezge wa malo ghakukharamo gha Chiuta kuchanya, chakwimira ubapo wa Chiuta pakati pa bakutemweka bake ndiposo nthowa iyo Chiuta wakuvumbura chiponosko cheneko icho chikwiza mwa Yesu Khristu. Kulongosoreka kwa chihema na vigaba vyake (mwachiyerezgero, Malo ghakuwaro, Malo ghatuba, Malo ghatuba ghakupaturika) ghakuphara fundo yakwiza kwithu kwa Chiuta, ndiposo mwantheura pera, umo Chihema chikapereka mwabi uwu wakuti banthu bakumane na Chiuta, ndimoso Yesu Khristu nayo wali kuperekera mwabi wakuti banthu bakumane na Chiuta kawumaliro na wakufikapo, wene uwo ukusangika kwa munthu wali yose mwa chipulikano kwizira mundopa zake izo zikathika pa mphinjika. Vigaba vinandi vya chihema vikwimira kabiro kakupambanapambana ka Yesu Khristu na milimo yake. Usofi ulara wa mu chipangano chakare na sembe zake zose vikwimira Usofi wa Yesu Khristu uwo ngwakufikapo na wa unenesko kwakuruska wa Aaron, pakuti ngwakufumira mundondomeko ya Melchizedek, mwene uyo Usofi wake ukaba wambura kumara, wambura kusintha, wakufikapo, na wa umaliro. Kweniso, Yesu Khristu wakufiska mu umoyo wake na kujipereka kwake ching’anamuro cha vyakupereka vyose ivyo vikukhwaskana na sembe zose izo zikaperekekanga mu Tempile, ndipo iyo ndiyo Mufiski wa Mizgezge yose ya muchipangano chakare, umo mukaba viphikiro, maungano, vikondwelero na vikumbusko vyose. Mwaunenesko wose, Chipangano Chakare, ukaboni wake pa Yesu Khristu ngwakufikapo na wakupanikizgira.

2

Usange mungakhumba kubazga mwakulutilira pa mutu uwo mwasambira muchisambizgo ichi, mungamanya kubazga mabuku agha:

Vitebetero na Mabuku