Ukaboni wa Chipangano chakale pa Yesu Khristu na Ufumu wake, Buku la Msambiri

/ 1 1 5

UKABONI WA CHIPANGANO CHAKALE PA YESU KHRISTU NA UFUMU WAKE

Muchisambizgo ichi tawona nkhongono za kuzirwa kwa Mzgezge na Vikozgo vya muchipangano chakare, na umo vikutovwilira kupulikiska umoyo na utebeti wa Yesu Khristu uwo wuli kuperekeka mu Chipangano chakare na chasono. Talabiska pa viyerezgero vitatu ivo vyatovwira kupulikiska Chipangano chakare pakuba ukaboni wa Yesu Khristu mu Chipangano Chasono. Talabiska kufuma kwa bina Israyeli mucharu cha Igupto, kuthereskeka kwa Kenani, kunjira mucharu cha malaghizgano, kuwezgekeramo kwa bina Israyeli mucharu chawo kufuma kucharu cha wuzga cha Babiloni. Talabiskaso na umo Chipangano chakare chikuperekera ukaboni wakufikapo wa Yesu Khristu na UFumu wake muchipangano chakare kwakuyana na sembe izo zikaperekekanga muchihema chakusoperamo. Vyakuchitika vyose ivi, viphikiro, vikondwelero, visopo, na nkhumano zose vili kufiskika mwa Yesu Khristu kwizira mu utebeti wake na kujipereka kwake nga ndi sembe kweniso nga ndi Mesiya. Muchisambizgo chithu chakulondezgapo tilabiskenge pa vyakuchitika mu nkhani ya chipangano chakare na umo yili kudumbikira, kabiro ka banthu nga ndi mizgezge na kuwonaso kuti kasi njiringa iyo yikulongora na kuphara vya Yesu Khristu mu Chipangano Chasono. Tilabiskenge kabiro ka ntchimi, msofi, na fumu mu mbiri ya chipangano chakare, na kuwonaso umo milimo ya wose aba yikayimiranga mlimo wa Yesu Khristu mwene uyo ndi mfiski wa mautebeti wose agha. Mozesi nga ndi Mzgezge wa utebeti wa Untchimi wa Yesu Khristu, Melchizedek nga ndi Mzgezge wa Khristu mu utebeti wake wa Usofi, ndipo Davide nga ndi Mzgezge wa Ufumu wa Yesu Khristu pa banthu ba Chiuta. Tilabiskengeso nkhani ya banthu awo ndi Mizgezge yapadera chomene, iyo yikukhumbikwa kuyizunura mwapadera chifukwa cha kuzirwa kwawo pakapulikiskiro ka Yesu Khristu nga ndi mutu wa banthu wose, mponoski wa mbumba yake, na mdangiliri wankhondo wa banthu bake. Kabiro aka tikukawona mwa Abrahamu, Yosefe, na Yoshuwa. Kafukufuku pa umoyo wawo walongora kuti ubare ukuru chomene uwo wuli pa ulendo wawo, umoyo wawo, na umoyo na utebeti wa Yesu Khristu, pakupanga malaghizgo gha Chiuta pa kuwombora banthu na kubawezgeramo mwa iyo kuba chinthu chapakweru na chamachitiko kwa munthu wali yose.

Kunozgekera chisambizgo chakulondezgapo

2