Ukaboni wa Chipangano chakale pa Yesu Khristu na Ufumu wake, Buku la Msambiri

1 2 4 /

UKABONI WA CHIPANGANO CHAKALE PA YESU KHRISTU NA UFUMU WAKE

Bavinjeru). Wose awo bakabako muchipangano chakare bakaba waka Mizgezge yake ndipo kumukana munthu wantheura uyu kukuchemeska kweruzgika. Ichi ndicho chifukwa Yesu wakapereka cheruzgo pakupereka makani gha Yona. ~ D. A. Carson. New Bible Commentary: 21st Century Edition . (Electronic ed. of the 4th ed.). (Mt 12:38). Downers Grove, IL: InterVarsity, 1997. Munthowa yili yose, umoyo na utebeti wa Yesu Khristu ukalongoreka pakweru kubalongozgi aba, kweni chifukwa cha unonono wa mitima yawo, bakakana kumupokelera na ukaboni wake wose na katebetero kake wuwo. Bakakana kuti Yesu ndiyo ndi Mesiya wawo. Apa Yesu wakulongora kabiro kake kose kakuti iye ndiyo ndi Mesiya, ndipo watipa ise ubare wake na Chipangano Chakare. Kuti nkhukoleranako kwa chipangano chakare pa umoyo na utebeti wake pera chara, kwene wakufiska ndipo wakujumpha kacitiro kose kabanthu ba muchipangano chakare chifukwa cha uvumbuzi wake uwo ukuluska vyose vya muchipangano chakare. Yesu wakuluska ntchimi Yona, na wuli pali kukoleranako pakati pa umoyo na utebeti wawo, paliso kukoleranako pakati pa kukhara muthumbu ya somba kwa mazuba ghatatu kwa Yona na kukhara muthumbo yacharu kwa madazi ghatatu kwa Yesu Khristu. Yesu ndi mukuru kuluska Fumu Solomoni, nanga wuli pali kukoleranako pa vinjeru vya Solomoni na kwiza kwa Ufumu na Uchindami wa Yesu Khristu pakwiza kwake kufiska na kukhzikiska uchindami wake. Pali kukozgana, umoza, na kukoleranako pakati pa wunthu wa Yesu na banthu banji ba muchipangano chakare. Yesu wangamanya kunena mwa unenesko wose kuti, “ nga ndi umo Yona wakakhalira mu nthumbo ya somba mazuba ghatatu, ndimoso mwana wa munthu wati wakhalirenge munthumbo ya charu kwa mazuba na mausiku ghatatu” Ndondomeko ya nkhani ya Yona yikulazga, kulongora, na kuphara makani gha Yesu nga ndi Mwana wa Munthu, udindo uwo wakautemwa chomene na uwo ukuyowoya makora chomene pa Uchiuta wake na mlimo wa wakuwuska mweneuyo wakwiza, na Fumu ya Charu (Daniyele. 2.44-45; 7.13-14). H. L. Wilmington wali kulemba mundanda wa banthu na ivyo bakachita, ivyo vikukoleranako na mlimo wa Yesu Khristu na utebeti wake: 1. A damu: munthu wachilengiwa chose pa charu, Vya mu Mtendeko 1.28; Baroma. 5.17-19; 1 Bakorinto. 15.22, 45, 47; Baheberi 2.7-9 2. N owa: Umoyo na chiponosko chake, Vya mu Mtendeko. 6.13-14, 17-18; 1 Petrosi. 3.18-22 3. A brahamu: Dada wa fuko lose, Vya mu Mtendeko 22.7-8; Mateyut. 26.36, 42-43 4. M elchizedek: Usofi wake, Vya mu Mtendeko. 14.18-20; Masalimo. 110.4; Baheberi 5-8

3