Ukaboni wa Chipangano chakale pa Yesu Khristu na Ufumu wake, Buku la Msambiri

/ 1 8 5

UKABONI WA CHIPANGANO CHAKALE PA YESU KHRISTU NA UFUMU WAKE

KUKHWASKANA

Uchimi wa “kufiskika kabiri”

Chipangano chakare chili na uchimi unandi chomene wakukhwaska Mesiya weneuwo ukulongora ivyo viti vichitikenge munthazi apo Mesiya wati wizirenge mweneuyo wati wabwangandurenge ufumu wa Satana, kumazga nthembo, wawunjikenge pamoza banthu bake, na kwiza na ufumu wa urunji weneuwo wuti utondekengepo chara. Kanandikanandi mauchimi agha ghakuperekeka mukabiro ka vyakuchitika mumbiri, na uvumbuzi, uwo ukuwoneka kuti ndi vinthu vyamthazi ndipo ukafiskika mu umoyo wa ntchimi iyo uchimi ukiziramo. Mwachiyerezgero, MaSalimo 78.1-3 – “1 Mwa ŵanthu ŵane, pulikizgani ku visambizgo vyane, tegherezgani mupulike mazgu agho nkhuyowoya. 2 Nditi ndiyowoyere mu ntharika, ndiyowoye vya kubisika vya kale. 3 Vinthu ivyo tikavipulika na kuvimanya, ivyo ŵasekuru ŵithu ŵakatiphalira. Mavesi agha ghakuwoneka kuti ndi kuyowoya kwa Fumu Davide kwakuyana na umo wakukhumbira kubaphalira bana ba Israyeli, malaghizgo na phangano la Chiuta. Chipangano chasono, nanga wuli, chikupereka makani agha kwa Yesu Khristu, kwakuyana na umo wakayowoyeranga muvinthanguni ku banthu apo wakaphara uthenga uwemi wa Chiuta (Mateyu. 13.34). Ivyo apa vikuwoneka kuti ndi chinthu icho chafiskika mwakabiri; makani ghali kufiskika munyengo ya Davide kweniso munyengo ya Yesu Khristu mu utebeti wake. Kasi imwe mukuwonapo wuli pa fundo iyi? Kasi vili na ching’anamuro wuli kuti Mazgu gha Chiuta ghakufiskika pabiri, munyengo ya ntchimi na munyengo yapanthazi mu umoyo wa Mesiya? Chinthu chimoza chakuzirwa na chakuzukumiska chomene mukabiro ka uchimi muchipangano chakare nkhakuti uchimi ukuperekeka munthowa yakulongora kuti apo uchimi ukaperekekanga, vinthu vili kuchitika kale. Mwachiyerezgero, uchimi wa Mesiya mu buku la Yesaya 53 ukulongora kukomwa na kusuzgika kwa Mesiya (Yesaya 53.3-5 – 1 Ndi njani wagomezga ivyo tapulika? Nkhwa njani uko nkhongono ya Fumu yawonekera? 2 Pakuti wakakura panthazi pa Fumu nga ndi chiphukira, wakaŵa nga ndi musisi mu dongo lakomira. Iyo wakaŵavye kaŵiro nesi utozi kuti timulaŵiske chara, wakaŵavye kawonekero kaweme kuti timukhumbirenge. 3 Iyo wakayuyurika na kukanika na ŵanthu, munthu wa vitima na wakuzgoŵera vyakuŵinya. Wakaŵa nga ndi uyo ŵanthu ŵakumunyanyara, wakuyuyurika ndipo tikamupima kuŵa chawakawaka. 4 Nadi wakayegha vyakuŵinya vyithu, wakathwika vitima vyithu. Ndipouli tikamupima kuti Chiuta ndiyo wakumulanga, wakumutimba na kumusuzga. 5 Kweni wakalasika chifukwa cha zakwananga zithu, wakapwetekeka chifukwa cha maubendezi ghithu. Iyo wakalangika kuti ise tiŵe ŵa msuma, ndipo na vilonda vyakhe ise tachizgika. Kayowoyero kapya: “Uchimi wakufikapo”

1

4

2