Ukaboni wa Chipangano chakale pa Yesu Khristu na Ufumu wake, Buku la Msambiri

2 0 4 /

UKABONI WA CHIPANGANO CHAKALE PA YESU KHRISTU NA UFUMU WAKE

mlimo, umoyo na utebeti wake 2) Kutanthaula kwa Bapostole pa icho Yesu wakasambizga pa ching’anamuro cha chipangano chakre, pakulabiska pa visambizgo, upharazgi mu wawo mu buku la Milimo 3) umo mpingo ukatebeteskera visambizgo vya Bapostole pa ivyo Yesu wakasambizga kufumira muchipangano chakare. • Phangano la Chiuta kwa Abrahamu likasanuzgika ndipo likakhwaska banthu ba mucharu chose chapasi, kusazgako banthu bamtundu muchigomezgo chachiponosko. Phangano ili likusazgako banthu wose apo likuvumbura mthondwe wa Chiuta uwo ukolongora kuti banthu ba mtundu mbahaliri ba vyamchindindi vya Chiuta Pamoza na banthu ba Chiuta. Uvumbuzi uwu ukawonekeranga mu ma uvumbuzi agho ghakiza mu uchimi uwo ukuwoneka mumalemba mu Chipangano chakre. Uvumbuzi uwu ukuwoneka kwambira pa Vya mu Mtendeko 3.15; laghizgo lakuti banthu wose bizamkutumbikikka kwizira mwa Abrahamu, nakutiso Mesiya wati wabenge mliko ku charu chose na kubanthu bamtundu wuwo. • Vigaba vyakupambanapambana vya uvumbuzi wa Mesiya ukamanyikwanga mwapachokopachoko na Bapostole, beneawo bakapulikiska kuti uvumbuzi wa chiponosko cha Chiuta ukakhwaskanga banthu wose. Laghizgo ili likasazgako laghizo la kwiza kwa Mzimu Mtuba pa banthu wose, na kusazgikirako kwa banthu bamtundu muchiponosko cha Chiuta kuba bahaliri ba vyamchindindi vya Chiuta na laghizgo la vitumbiko vya Abrahamu. • Umo Bapostole bakatebeteskera Malaghizgo gha Mesiya gha mu Chipangano chakare pakaphalazgiro kawo nga ndi umo ghali kulembekera mu buku la Milimo na makalata ghawo, vikuwoneska kuti bakapulikiska makora chomene kuti Mesiya ndi Yesu Khristu ndipo banthu bamtundu nawo mbakusazgikamo muphangano la Chiuta. Bakuphara vinthu ivi, kwiza kwa Mzimu Mtuba ku banthu, kukanika kwa Mesiya na bazengi ba nyumba (banthu bachiYuda), Yesu ndiyo ndi Mliko waku banthu bamtundu, Kuzengekaso kwa chihema cha Davide icho chili kusanuzgikira kubanthu bamtundu kubapa chiponosko, kuwura kumanyikwa kwa Mesiya na banthu ba Chiuta (baYuda) pachifukwa chakunonofya kwawo mtima. Kweniso, bakuzunura kupharazgika kwa uthenga wachiponosko ku banthu wose ba mtundu. • Malayizgo na madazgo ghakwiza kwa Mesiya, muchipangano chakare kwakuyana na banthu bamtundu kukulongora khumbo na ulato wa Chiuta ku banthu wose bamucharu; kuti Chiuta wali kufiska waka ulato wake wakuponoska banthu uwo wakaupereka kwa Abrahamu chara, kwene wali kuwusanuzgira kubanthu bamtundu.

4