Ukaboni wa Chipangano chakale pa Yesu Khristu na Ufumu wake, Buku la Msambiri

/ 2 1 7

UKABONI WA CHIPANGANO CHAKALE PA YESU KHRISTU NA UFUMU WAKE

4. Kasi pali kamanyikwiro wuli ka Mesiya kufumira mu chipangano chakare ako Bapostole bakaphara kubanthu ako iwo bakapulikiska kuti Chiponosko cha Chiuta ntcha banthu wose, kuti ntchabanthu ba mu mphapu ya Abrahamu pera chara? 5. Kasi Bapostole, kapharazgiro kawo pa Mazgu gha mu Chipangano Chakare ghakukhwaska Mesiya mu buku la Mlimo na umo bakasambizgira mu makalata ghawo, bakalongora kupulikiska kwawo kuti chiponosko cha Chiuta chikufuzukira kubanthu ba mtundu kuti nawo basazgikiramo mu chipulikano cha Chiuta? Kasi ndi vinthu vini ivyo ndi vyakuzirwa chomene ivyo bakavibikamo mukusambizga kwawo, na ulato wakulongora kuti Yesu ndiyo ndi Mesiya? 6. Kasi Bapostole bakapulikiska wuli kuti kusazgikiramo kwa banthu ba mtundu kukaba kukawulira bina Israyeli kuwaro kwa chiponosko chara, kwene kubasongerezgera kukuchita sanje mwakuti bamanye kwiza kwa Yesu Khristu Mesiya, nga ndi umo banthu bamtundu bakachitiranga? 7. Longosorani mwaupusu chomene na umo uchimi wa Mesiya wakukhwaska banthu bamtundu mu Chipangano chakare ukulongora khumbiro na ndondomeko ya Chiuta pakuponoska banthu wose, baYuda pera chara. Chisambizgo ichi chalabiska chomene pa utebeti wa uchimi wa Mesiya mu Chipangano chakare ukuperekera uvumbuzi na vyakuchitika munthazi ivyo vikukhwaska Mesiya na Mlimo wake, na khumbiro la Chiuta pakusazgako banthu ba mtundu muchiponosko na chitumbiko chake icho wali kulayizga kwa Abrahamu. Mu unenesko wose, uchimi wa Mesiya ukupereka ungweru wose na kukoleranako uko kulipo pakati pa Chipangano Chakare na Chipangano Chasono, munthowa zose zibiri, kabiro na machitiro gha Mesiya ku wunthu wake na mlimo ya Khristu na mukubenura khumbiro la Chiuta mwakuti wajitolere yekha kwa iyo mwene banthu kufumira vyaru vyose, kufumira kumphapu ya baYuda bakufumira mwa Abrahamu pera chara. Weleranimo mufundo izi pa utebeti na mutu wa Uchimi wa Mesiya kufumira muchisambizgo ichi. Labiskani fundo izi: ³ Lizgu lakuti Mesiya, mu chigriki messias, mu chiAramaic mashiach, icho chikung’anamura “kuphakazgika”; Christos ndi lizgu la mu Chipangano Chasono ilo likung’anamura kuti “wakuphakazgika”

4

KUBAMBIKIZGA

Fundo zikuruzikuru mwa ufupi