Ukaboni wa Chipangano chakale pa Yesu Khristu na Ufumu wake, Buku la Msambiri

/ 2 2 5

UKABONI WA CHIPANGANO CHAKALE PA YESU KHRISTU NA UFUMU WAKE

ukirano ku misumba ya Amerika, bana banandi awo mbamayinga mumisumba, bamumanya Yesu. Misinku yawo njakwambira mu vilimika 20 kuluta munthazi, bali na mphini bwekabweka muthupi na kudolereka pali pose, kweniso kakuliro kawo nkhambura mdauko wakwenelera. Kwene, ntchakumanyikwa makora kuti bali kujipereka mwakufikapo kwa Yesu Khristu kuti ndiyo ndi Fumu na Mthaski wa umoyo wawo ndipo bakukhumbisiska kusambia na kumanya makora ivyo chi Khristu chikusambizga muzinyengo zasono na kuba msambiri wa Yesu. Chimoza mwa vinthu ivyo vyawovwira chomene ku baukirano aba kuti bambe kwiza ku tchalichi (kasope) na kumawupharazgi nkhudidimizga kwa kusanga wanangwa uko bapharazgi bakaperekanga. Balongozgi ba wupu wa kupharazga uwu badidimizga chomene khumbiro la Chiuta pakuguzira kwa iyo mwene banthu ba mtundu wose mulusungu lwake. Wakuguzira kwa iyo mwene banthu ba mtundu wose, bambura kuzirwa, vitchwapi na bakutali na Chiuta na kubapa malo mu Ufumu nkhuru wake. Fumu wakatebeteska uthenga uweme uwu kuguzira banthu kwa iyo mwene na kubanjizga mu mpingo, wenewuwo sono ukusuzgika na fundo yakuti kasi tingachita wuli kuti bapokelereke nkhanira kuba bamoza ba mumpingo. Mpingo, nanga wuli ngwakujura kwa wali yose, ndi mpingo wa banthu bafipa, ndipo banandi ba banthu awo bakusopa mbakusanga vibi chara. Wupu unyake wa banthu awo bali mumpingo mbana babazungu, bakutemwa sumu za chinyamata kwene bakusanga mtende apo bali mu mpingo. Kasi mungavwira wuli mpingo kupokelera banthu bafipa pakati pawo pasi pa fundo yakuti Chiuta wakupokelera wose kuti babe bake mu wene na wene wa mu mbumba yake? Mliska yunji wa mtundu wa chiYuda wakamba kupharazga Mazgu gha Chiuta pa mutu wakuti, “ChiYuda ndiko tili kufumira”. Khumbiro lake likaba lakuti lakukhumba kulongora banthu maluso gha chiYuda agho Mpingo wakare ukachitanga, na ulato wakuti banthu bawone umo chi Khristu chili kufumira ku Chisopo cha chi Yuda pakulabiska maluso, midauko, na ndondomeko zinji izo chikhristu chili kutolera kufuma ku baYuda. Pakati pajumpha myezi yitatu mukupharazga wakachema mpingo wose kuti bachite mdauko wa Paska, mwakuti walongosore umo ukachitikiranga na kuzirwa kwake, na umo mdauko uwu ukukoleranako na monesko wa Fumu. Pa mphara ya balara ba mpingo iyo wakachemeska wakambapo kulongosora fundo zake na khumbiro lake pa makani gha Paska na Monesko ndipo yumoza wa balara ba Mpingo wakazizwa ndipo wakalongora kudonda chomene. “Baliska, nkhumanya kuti khumbiro linu ndakuti mutimanyiske umzati wa chisopo cha chiYuda pa chisopo cha chiKhristu. Kwene kuyowoya unenesko wose, tabanji kuti tikuwona kuzirwa kwake chara. Tiliso pasi pa dango la chiYuda chara, tajumphapo chomene ndipo pasono tili 4 Vyakale vili kujumpha-tiliso pasi pa marango chara

4