Ukaboni wa Chipangano chakale pa Yesu Khristu na Ufumu wake, Buku la Msambiri

/ 2 7

UKABONI WA CHIPANGANO CHAKALE PA YESU KHRISTU NA UFUMU WAKE

I. Uvumbuzi wa kulutilira: kukhozgera ubare uwo wulipo pakati pa Chipangano Chakare na Chipangano Chasono

Kulabilira Vidiyo

A. Ching’anamuro cha Uvumbuzi wa kulutilira: Chiuta wali kujivumbura pachoko pachoko mu mbiri ya banthu na charu ndipo wali kumalizga kujivumbura mwa Yesu Khristu. Baheberi 1.1-2 - Mu nyengo za kale, Chiuta wakayowoyanga ku ŵasekuru ŵithu kaŵirikaŵiri na mu nthowa zakupambanapambana kwizira mu nchimi. 2Kweni mu mazuŵa gha umaliro agha, wakuyowoya kwa ise kwizira mu Mwana wakhe, mweneuyo Chiuta wakamwimika kuŵa muhaliri wa vinthu vyose. Kwiziraso mwa iyo, wakalenga charu cha kuchanya na charu cha pasi.

Mazgu gha Augustine pa makani gha ubare wa pakati pa Mapangano (Testamenti) ghabiri agha: “Muchipangano Chakare, Chipangano Chasono chikubisika; muChipangano Chasono, Chipangano Chakare chikuwoneka.”

1

B. Vigaba vya Uvumbuzi wa Kulutilira

1. Mu mbiri ya banthu, Chiuta wali kupereka uvumbuzi wakukoleranako, wa kulutilira, ku banthu

2. Chiuta wakuyowoya mu nyengo zinandi waka mu nyengo zajumpha pakutebeteska nthowa zakupambana – pambana pakuyowoya na banthu, payekha – payekha na mawupu gha banthu.

3. Mazgu gha Chiuta pamtendeko, nanga wuli nga unenesko wose, ghakaba ghambura kufiskika ndipo ghakakhumbikwanga kufiskika.

a. Uvumbuzi wa Chiuta wa panthazi ukavumbura na kulongosora uvumbuzi wa panyuma pake.

b. Uvumbuzi wakudankha ukupereka kabiro na ching’anamuro cha uvumbuzi wapanyuma pake.