Ukaboni wa Chipangano chakale pa Yesu Khristu na Ufumu wake, Buku la Msambiri

/ 3 0 5

UKABONI WA CHIPANGANO CHAKALE PA YESU KHRISTU NA UFUMU WAKE

Vyakubazga ivyo vikukhwaska makani gha Mizgezge

Kasi ise lero tikubazga Baibulo mu nthowa na mu ndondomeko nga ndi umo Yesu Khristu na basambiri bake bakalibazgiranga? Pati pajumpha vilimika makhumi ghabiri (20) kufumira apo nkhambira kusambizga kujima na kusanda Mazgu gha Chiuta, nawona kuti pali suzgo limoza pera: suzgo ndakuti nthowa zinandi izo tikutebeteska kuti ndi nthowa izo basambiri ba Yesu na Yesu mweneko bakatebeteskanga chara pakubazga na kusanda Mazgu gha Chiuta. Usange tikusanda umo Balembi ba Baibulo bakalibazgiranga na kulilondezga pakulabiska Malemba umo ghakabira gha muchipangano chakare, tikuwona kuti bakasanganga ching’anamuro pa malemba apo babazga, bakachiyaniskanga na ivyo vili kulembeka ndipo bakasanganga ivyo mulembi wakakhumbanga kuphara kubakubazga. Makani agha ghakamaliranga mwakukhumba kuwoneska kuti Yesu Khristu ndiyo ndi Mesiya. Kasi tikwenera kulembaso kujima uko kuli kuchitika mu mabuku gha Chipangano Chasono? Pakuzgora fumbo ili S. L. Johnson wakuti: “Kwambura nkhayiko yili yose, zgoro ndakuti enya, nanga wuli tikuzomerezgeka chara kujitolera kabiro ka Yesu Khristu na Bapostole chifukwa bakabavye Kalema. Banthu bakugomezgeka mwakufikapo bavisambizgo vyose pakusanda na kujima Mazgu gha Chiuta. Tingalembaso chara umanyi wawo pakajimiro na kasandiro ka Mazgu gha Chiuta kwene tikwenera kupulikiska ivyo bali kusambizga. Kasi nthowa ya kulabiska Mzgezge pa katanthauliro ka Mazgu gha Chiuta kali na uweme wuli? [Kutanthaura pa kulabiska pa Mzgezge] ndi nthowa yakwenelera chomene yene iyo yikutebeteskeka chomene na basambiri banandi mu Chipangano chasono. Mwachiyerezgero, vyakutebeteska muchihema na vinthu vinji ivyo vikukhwaskika navyo na Tempile (jotchero na vyakuperekapo vyake, chidiko, chibenekelero chagolide cha pabokosi la marango) vikwimira Yesu na vyakuchanya (wonani pa Baheberi 9). Usange tikwiza pa Mzgezge, tikwenera kuleka kuba basani panji bafinyi chomene pakatanthauliro kithu. Tingaba basani chomene usange tikusanga Mzgezge mumalo ghose. Tingabaso bafinyi chomene usange tikukana kutebeteska Mzgezge kuba nthowa yakusandira Mazgu gha Chiuta panji kuba nthowa yakusangira mazgoro mu Mazgu gha Chiuta.

 kufumira mu buku la kulembeka na James DeYoung and Sarah Hurty, Beyond the Obvious . Gresham, OR: Vision House Publishing, 1995. p. 24

 kufumira mu buku lakulembeka na James DeYoung and Sarah Hurty, Beyond the Obvious . p. 265

 Kufumira mu buku lakulembeka na James DeYoung and Sarah Hurty, Beyond the Obvious . p. 74